Chieliko 95 - Angami Naga CL (Re-edited) Bible (BSI)

Ketshe mu Kerüsuo Tsali

¹ Vorlie, kelipie Jihova ki shü khe! u kenei pfhephra puo chüpie u kelakelie tsiekrieu ki shü khe,

² Kethezie khakeshü se di puo mhodzünu vorlie khe, úko keli di u kenei pfhe chüpie puo ki shü khe.

³ Jihovae Ukepenuopfü kezha puocü la, terhuo peteko mho Kedi kezhau zo.

⁴ Puo dzie nu kijüu kesouko ba, mu kijüthou kerükrieko puo vie.

⁵ Dzükezha puo vie, puoe süu chüshü, kijü kesoko rei, puo dzie thuo süko chüshü.

⁶ Vorliecie, úko nuketsu puo rüsuo khe, u Chükeshüu Jihova mhodzünu khoutoulie khe.

⁷ Puoe Ukepenuopfü zocü la, tsiu we puo rituo nu themia mu puo dzie nu kuonuo zo. Hou! thie nieko puo pfhe silie ücüwe!

⁸ Meriba nu tuoi nieko nou perewa hiecie, Massa rayha nu tuoita hie,

⁹ sünu nie puonuoko a medophi, a mhachükeshüu ngu zo ürei, ukoe süu ketso.

¹⁰ Teicie hiedia thephou süu mecü di, “Ukoe u melou nu rütsi tuoketamia mu uko a kru nu tuoyakemomia,” ita.

¹¹ Süla a nei kemopfü rüse di, “Uko bu a kerülei nu lelie lho,” iwa.