Chieliko 82 - Angami Naga CL (Re-edited) Bible (BSI)

Dietho Kemo Capi Kerhiekecü

¹ Kepenuopfüe teigei kehou nu puo ba nu baliete; puoe terhuoko donu theca pepishüya.

² “Nie kichiepuo thetou kemo cashütuo ga? sidi kecürüko nei chütuo ga?” Selah

³ Kethachüu tsiu merünuomia yapielie; kemenga ketuoko mu kethachüko rüguoshücie.

⁴ Kethachüu mu ketsopfhüu kelashücie; kecürüko dzie nunu uko kelashücie.

⁵ Uko siya mo, morei le reiya mo, uko kezei nu whi tuoyacü zo; kijüu mvüdze pete rüniete.

⁶ A puya, “Nieko terhuomia zo, pete Kerükrietho-u nuonuoko zo;

⁷ siürei nieko themia tuoi di sia zotuo, mu kedimia nuonuo tuoi tetsutuo.”

⁸ Sieliecie, He-i Kepenuopfü, kijüu nyie pepishücie, seyie pete n viecü la.