Chieliko 8 - Angami Naga CL (Re-edited) Bible (BSI)

¹ He-i Jihova, Kekuotho-u! kijü pete nu n za kide vi shi! Noe n zayie pie teiko mho rei shüwate!

² Nuoranuomia mu kenunuoko tie geinu noe ngumvümia mu n kepetsoumia, tie dashüketuo chüliete.

³ A n dziekinuo mhatho, teigei, khrüu mu themvüko mehokeshü ki;

⁴ themia ha kedipuo üdi no puo rüli medoya mu? Tsiu themianuo ha kedipuo üdi no puo dze leya mu?

⁵ Noe puo chüpie keduo yopuo Kepenuopfü ki rünuozawa, di zayie mu thetshetherhu pie puo tsüre chüshüte.

⁶ Noe puo bu n dzie mhathoko mhokezha chüte; noe mha pete khapie puo phi khro shüwate.

⁷ Tekuo mu mithu pete, lie nu nhachüko rei zo,

⁸ teirako, siro dzükezha nu khuoko, dzükezha chako nu ketuo kehoupuorei zo.

⁹ He-i Jihova, Kekuotho-u, kijü pete nu n za kide vi shi!