Chieliko 67 - Angami Naga CL (Re-edited) Bible (BSI)

Seyie Pete Ukepenuopfü Tshelie

¹ Kepenuopfü bu hie ngumezhieshücie, mu japie hie tsücie, puo kenei zieu bu zie pie hie gei shücie. Selah

² Sitse kijü nu n chau silietuo, tsiu n kelakelie kekuou seyie pete si votuo.

³ Themiako bu n tsheliecie, he-i Kepenuopfü, themia pete bu n tsheliecie.

⁴ Seyieko bu u neilie tsiu kenei pfü keliliecie; noe kemezhü tou nu themiako capi chüya, mu kijü nu seyieko cha thaya. Selah

⁵ Themiako bu n tsheliecie, He-i Kepenuopfü; themia pete bu n tsheliecie.

⁶ Kijüu puo si rüchü krashü, Kepenuopfü, úko Kepenuopfüe ja u tsüshüte.

⁷ Kepenuopfü bu ja hie tsü ba zocie, kijü vala pete bu puo rhucie.