Biblia Todo Logo
Bìoball air-loidhne

- Sanasan -

Chieliko 63 - Angami Naga CL (Re-edited) Bible (BSI)


Kepenuopfü Mengukecü

1 Harie Kepenuopfü, no a Kepenuopfü zo; a n pfhüya; a ruopfüe n mengu di terhüya; a chü n menguya, dzü kejü mu kijü keso u chakemezie kechüra nu tuoi.

2 Süla a kemesachüu nu n mengu di n meho, n kekuo mu n zayieu ngu.

3 N kekhrie ngukemezhie-e kerheiro ki rei vikuocü la; a tie-e n tshetuo.

4 A rhei keba chie n tshetuo; a dzie yhapie di n za kietuo.

5 Thenyi kevi puo nu ketheguokelie mhiei a ruopfü pevüte; a tie rei puo kenei meü se n tsheya.

6 A zhü nunu n rükrakelie ki, mu theva rükhouko nu n dze le medokeshü ki;

7 No a kekhruou chü kevor la, n shü khrüu nunu a chielituo.

8 A ruopfüe n ku tuoya; n dzie n zatsae a menguse tuoya.

9 Derei a kerheiro pekawatuoü a pfhüyakezhako we kijü kesou nu tsutatuo.

10 Uko khapie zhiechau kekuo gei shüwatuo; ukoe meseruko ca chütatuo.

11 Derei kediue Kepenuopfü nunu puo neituo; puo pie rüsekezha kehoupuorei zayie chütuo; ketijü puyakezhako tie khawataketuo la.

The Bible Society of India

© 2023, Used by permission. All rights reserved. More

Bible Society of India
Lean sinn:



Sanasan