Chieliko 61 - Angami Naga CL (Re-edited) Bible (BSI)

Ukepenuopfü Keya Kepele

¹ A pfhe rünyüshücie, harie Kepenuopfü, a kecha rünyüshücie.

² Kijü thela nu a n kieshüya, a nou thachüketa ki. A ze tsiekrieu gei voshücie, a ki rükriekuocüu gei.

³ Noe a keyaucü la, ngumvümia mhodzünu a dahou kekuou zo.

⁴ A bu kechachie n kemesachü nu lhou tuocie; n shünie keya khro nu a bu rüzhükelie nguliecie. Selah

⁵ He-i Kepenuopfü, noe a phrakeshü dieko rünyülieketa la; noe n za preiyakezhako kayieu pie a tsüwate.

⁶ No kediu kerheiro chü pechashücie puo teicieko bu thephou kekra gei vocie.

⁷ Puo bu kechachie Ukepenuopfü mhodzü kedibau gei ba sei thienyü; n kekhrie mu kemiatho kesepie puo pekrulieyi.

⁸ Sitse a kechachie n za ketshe tsali chütuo, sidi a phrakeshü dieko a bu teisonhie medzilieketuo la.