Chieliko 54 - Angami Naga CL (Re-edited) Bible (BSI)

Ngumvümia Kinu Kelashünu Kecha

¹ Harie Kepenuopfü, n zau pie a kelashücie, n kekuo üse a yapieshücie.

² A kecha rünyüshüyi, Harie Kepenuopfü, a tie nu dieko rünyüshücie.

³ Sikemomia a petsou sierketa la, u zho kesuoko a kerheiro pfhü tuote, ukoe Ukepenuopfü sanyüya mo. Selah

⁴ Derei ketho zo, Ukepenuopfüe a kekhruohiu zo, Niepuue a ruopfü yapiekezhako ze tuoya.

⁵ Puoe kesuo pie a ngumvüko zhakhra chüshütuo: n ketho-u nunu uko dathewaliecie.

⁶ A khrie mo zo di ruosuo chü n tsütuo; A n za tshetuo; harie Jihova, süue vi zocü la.

⁷ Puoe kemezhiekecü pete nunu a kelashüte; tsiu a mhi rei a ngumvüko ngupie puo kele chüwate.