Chieliko 53 - Angami Naga CL (Re-edited) Bible (BSI)

Themia Kerüzhü mu Mhasi Kemo

¹ Kenyamiae puo nou nu, “Kepenuopfü jü!” icü puya. Uko suothor, mu mha kerütsekecü kechümia zo; miapuorei mha kevi kechü tuo mote.

² Ukepenuopfüe teigei nu themia nuonuoko meho baya; mhakelemia tsiu Ukepenuopfü kepfhü puorei tuo mo mo shicü mehotuo üdi.

³ Uko peteko late, uko rhu kemhie phre zo, mha kevi kechü puorei tuo mote, puorei jü.

⁴ Mha kesuo chüyakezhako kesikele jü zo memu? Niekhrüda puo tuoi di a themia cükelieko, mu Ukepenuopfü kieya kemoko.

⁵ Sünu uko kemichie kezha ze kesetuo, sükemhie kemichie ngu chie kemo; Ukepenuopfüe puorhi kemoko ru bie kezakeziwatuo. No uko bu thenga chütuo. Ukepenuopfüe uko meliewaketa la.

⁶ He-i, Israel kelakelie bu Zion nunu parlie ücüwe! Ukepenuopfüe puo themiako chü pevikeshü ki, Jakob puo neituo, mu Israel puo noumvütuo.