Chieliko 4 - Angami Naga CL (Re-edited) Bible (BSI)

Theva Kecha

¹ A pfhekhoshüyi a n kiekeshü ki, He-i a mezhü Kepenuopfü! A kemezhiekelie ki no kerülei pie a tsüyie. A ngumezhie di a kecha rünyüshüyi.

² Themiako, kichiepuo a therhu pie thenga chü tuotieya ga? Nieko kichiepuo kemethuo die nie nei di ketijü pfhü tuo zotieya mu? Selah

³ Derei Jihovae kemiathomia kelakreipie puo kitsa shülieketa siliecie; a puo kiecü ki Jihovae a pfhe silieya.

⁴ N nou kehoukeruo chü keba ki phoumata hie; n zhü geinu mha leshülie di zei-ipfü balie. Selah

⁵ Puotoukecü ruosuo chüshülie, mu Jihova pele balie.

⁶ Mia kekrae, “Mha kevi huo ngu ücüwe,” iya. He-i Jihova, n zie kezieu bu hie gei zielieyi.

⁷ Noe kenei pie a nou shü, uko lha, uko zu ki rei krakecü.

⁸ A nou mene di zhütsu mu zelieya, kekreilamonyü n rübei, He-i Jihova, a chüpie a bu khrukhre zhülieya.