Chieliko 3 - Angami Naga CL (Re-edited) Bible (BSI)

Khise Kecha

¹ He-i Jihova, a ngumvüko krapie kiü zo shi! A kepetsou kra phi siertazhie.

² Mia kekra a ki, “Kepenuopfü kinu n kekhruohi jü;” iya. Selah

³ Derei Jihova, no sü a keya pezhü puo zo; a zapuzayieu, mu a tsü phou pesiekeshüu zo.

⁴ Jihova ki a pfhephra petoshü, ru puoe puo kemesa kijükhru geinu a pfhekhoshü. Selah

⁵ A zhü tsu di zeta; co lalie; Jihova thuo a se keba la.

⁶ A themia nyie ker a petsou di u kesepfü a khie a mhou houpfü kethako preilie lho.

⁷ Sieliecie, He-i Jihova! a kelashüyi, he-i a Kepenuopfü! No a ngumvüko pete dzo vüshücü la: No kerüzhüko hu dutshewaya.

⁸ Kelakelie sü Jihova vie; n theja bu n themia gei baliecie. Selah