Chieliko 21 - Angami Naga CL (Re-edited) Bible (BSI)

Kuokelie la Ketshe

¹ He-i Jihova, Kediue n kekuo gei puo neiya, mu no khruohikecü nu kedipfü puo neiya shi!

² Noe puo nou menguu chüpie puo tsüya, mu puo tie üse chakeshüu pie puo tsü mvüta mo. Selah

³ No vicü thejako pie puo tsüshü: No suna kevitho keditsüre puo pie puo tsügei shü.

⁴ Puo n ki kerhei cha, ru no se puo tsü, tsiu teisozha kecha, kechachie mu kechachie.

⁵ No khruohikeshü la puo zayie-e zha; no zayie mu therhu pie puo tsü.

⁶ Noe kechachie thejakepfü pie puo tsü; no puo ze keba kenei se puo nou chü pemvüshü.

⁷ Kediue Jihova peleyakecü la, mu Kerükrietho-u kekhrie thela kejüu la, puoe rünielie lho.

⁸ N dzie-e n ngumvüko pete pfhülietuo, n dzie n zatsae n mecüyakezhako pete pfhülietuo.

⁹ No vorcü ki no uko chüpie tu sekezhü mi puo mhiewatuo; puo noupfhü nunu Jihovae süko mezulietuo, mu mi thuo süko the pejüwatuo.

¹⁰ No kijü nunu uko yie pekawatuo, mu themia nuonuoko donunu uko tsia pejüwatuo.

¹¹ Uko n gei mha kesuo rhü liro; uko kerüzhü dorhü zorei uko süu chülie kenjü.

¹² No uko whuo petawatuo, n theü pie uko zie rülietuo.

¹³ N kekuou nunu kerükrieu chüliecie, He-i Jihova! Hie keli di n kekuo tshetuo.