Chieliko 2 - Angami Naga CL (Re-edited) Bible (BSI)

Ukepenuopfüe Kedakelie Kediu

¹ Kiüdi seyieko kedovaya, mu themiako kemethuo do rhüya ga?

² Kijüu kedikoe uko thuo dojülie, tsiu kezhakoe keze kenoupu di, Jihova mu puoe kenhekelieu petsou di,

³ “Úko unie phako biethewa, mu unie thephako u kinu kelhouwa khe,” isi.

⁴ Teiko gei kebaue uko kreya; Jihovae uko pie kethekrewatuo.

⁵ Sidi puoe puo nouyie nunu uko ki mha putuo, mu puo noupfhüu nunu uko kechü di sie.

⁶ “A a kediu pie kemesa kijüthou, Zion gei shüwate.”

⁷ A Jihovae thezho khakeshüu putuo: Puo a ki pu di, “No a nuo zo; a thie n penuoshü.

⁸ A ki chacie, siro a seyieko pie n phruotuo, mu teiboteiyo ketso pie n vie chüshütuo.

⁹ No thegi the se süko biephrowatuo; mu litho-u li tuoi süko biephro phaphawatuo.”

¹⁰ Süla, harie kediko, mecieliecie, harie kijüu capiko, nie pethapfüliecie.

¹¹ Jihova prei siei di puo lie chülie, tsiu pe zo di

¹² puo phi mebolie, puoe puo nei mota rei si momu, sitse nie chala nu katatuo, puo nouyie tu mhai siertaketuo la. Puo pelekelie kheko thejakepfüthowe.