Chieliko 15 - Angami Naga CL (Re-edited) Bible (BSI)

Rüsierünielie Kelho-u

¹ Jihova, supuonie n rüsuoki nu thalie vi ga? Supuonie n kemesa kijüthouu gei lhoulie vi ga?

² Mezhü tuoyakezhau, kemiatho mhathoko chüyakezhau, mu puo nou nu ketho puyakezhau;

³ puo meü se mia thaya kemo-u, morei puo khriethomia gei mha kesuo chüya kemo-u, tsiu puo siezanuomia ketha die puya kemo-u;

⁴ puo mhi nu kerüzhümia rütseyakezhau; Jihova kepreimia rhuyakezhau: Kemezhie zo ürei phrakeshüu se balieyakezhau.

⁵ Puopra kejü nunu puo raka pie mia thepuyakezhau, morei kejo kejümia pese di theso lieya kemo-u. Mha hako chüyakezhamia mhakipuorei rünietalie lho.