Chieliko 149 - Angami Naga CL (Re-edited) Bible (BSI)

Israel bu Jihova Tshelie

¹ Nie Jihova tsheliecie! Tsali kesa chüpie Jihova ki shülie, mu kepeleko kehou nu puo tshelie.

² Israel bu puo Chükeshüu gei puo neiliecie; Zion nuoko bu uko Kediu geinu u neilie.

³ Uko bu u dowhuo di puo za tshelie, uko bu tambourin mu lyre se kelipie puo tshelie.

⁴ Jihovae puo themiako ngu puo noumvüyakecü la; puoe kuokelie pie thenou kerünuoko chü kezivishütuo.

⁵ Kepeleko bu zapuzayie nu u noumvülie; uko bu u zhü geinu keli petoshülie.

⁶ Ukepenuopfü tshe petokecü bu uko tie nu balie, mu zhiecha lutsahatsa puoü kechü bu uko dzie nu balie.

⁷ Khepu pie seyieko gei shüketuo la, mu themiako gei siazhau khashüketuo la;

⁸ thegiro pie uko kediko phaketuo la, mu thegi rhü pie uko pehüko kheketuo la;

⁹ theca pie uko gei shüketuo la. Hauha puo kepeleko pete therhu zo. Jihova tsheliecie!