Chieliko 142 - Angami Naga CL (Re-edited) Bible (BSI)

Miapuorei A Ruopfü la u Nounyü Mo

¹ A a pfhephra Jihova ki shieshü; a pfhephra Jihova ki a mezhiemelo.

² A a panyako puo mhodzünu hielashü; a mezhieko pie puo ki pushü.

³ A ruopfüe phisiaketa ki, noe a chau si. A ketuo chau nu uko a la ciephrie puo keviepie zhüte.

⁴ A zatsa phi di mehoshü phi miapuorei a mehokecü tuo mo; a yakelie tuo mote; miapuorei a ruopfü la puo nounyü mo.

⁵ A n ki melieshü, O Jihova; “No sü a keyau mu kerheiko kijü nu a yau zo.”

⁶ A kecha leshücie, a pie kerünuo sewaketa la. A kepechüko kinu a kelashücie, uko a la kuothor zeru.

⁷ Kedieki nunu a ze parshücie, a bu n za tshelieketuo la. Kemiathoko a houpfülietuo, no a gei mephruo phishü zokecü la.