Chieliko 137 - Angami Naga CL (Re-edited) Bible (BSI)

Babilon nu Kita Chü ketuoko Nousuo

¹ Babilon rükhieko ba di, hie sünunu krata, hie Zion rükrakelie ki.

² Sünu keba sopfüciekhrie boko gei hie harpko goupiezhawa.

³ Sünusü hie teze kedie chü tuoketamia, hie bu tsali chüshünu chata. Hie pekakewamia hie bu u nei chünu di sie, “Zion tsali puo chü hie kiethie,” ilie.

⁴ Hie kikidi rüso rüna puo nunu Jihova tsali chülietuo dimu?

⁵ O Jerusalem, a n rükra mota üro, a dzie a zatsa bu meduota rei sü!

⁶ A meü bu a me pesotsa kutacie, a n rükra moketa sie, a kenei kezhatho-u ki rei, a Jerusalem a neikuo mo üro.

⁷ O Jihova, Edom nuonuoko, kepetsou lecie, Jerusalem tetsuketa teiso-u, ukoe pucü, “Bierhuowalie, bierhuowalie! Puo mvüdze ketso bierhuowalie!” chü tha zokecü.

⁸ O Babilon nuopfü, no mha pekayakezhau, no hie gei chü kevor tuoi, n zhakhra chü n ketsü themiau puo neituo!

⁹ N nuo kecüko chüpie ketsie gei kepfhütshiekeshüu u neituo!