Chieliko 130 - Angami Naga CL (Re-edited) Bible (BSI)

Jihova Rhakelieu Kemerü

¹ He-i Jihova, a kesou nunu n ki melieshü.

² Niepuu, a pfhe rünyücie! a mezhiemelokecü pfheko n nyie bu rünyüshücümu.

³ Jihova, no kejokemouko le terü tuo üro, Niepuu, supuonie thalietuo ga?

⁴ Derei vapie tsülie kevi n gei ba, mia bu n rhulieketuo la.

⁵ A Jihova khremerü ba, a ruopfü puo khremerü ba, mu a puo die nu merü tuoya.

⁶ A ruopfüe Jihova pfhe baya rükhoumiako teiso kepar pfhe kelho chü keba ki rei pfhe kelhokuo baya.

⁷ O Israel, Jihova khremerücie; Jihova gei mia khrielekhriethorcü tuo, mu Puo gei we rhakelie ba phi.

⁸ Mu puo uko kejokemou pete nunu Israel rhalietuo.