Chieliko 127 - Angami Naga CL (Re-edited) Bible (BSI)

Kruokelie Jihova Kinu Vorya

¹ Jihova thuo kiu chüshü kemosie, süu kechümia kemethuo mezhie chütaya, Jihova thuo nadiu rüguo se ba kemosie rükhouko co keba kemethuo zo.

² No sie zi rei thedo zo, zhü menuo rei, n mhatho siko dze le n noumecaya rei, puoe keze pie puo nouliemia tsüyakecü la.

³ Harie, u nuonuo sü Jihova mhaphruo zo, nuobvü siu sü zhakhra puo zo.

⁴ U phou kuo keba ki nuonuoko sü, terhümiavimia dzie nu theütsie keba mhie zo.

⁵ Theütsie se puo bou tshupfü kebau themia süu puo nei baya. Süko kharu nunu ngumvümia rüchücü ki thenga chütalie lho.