Chieliko 126 - Angami Naga CL (Re-edited) Bible (BSI)

Kelakeshü la Jihova Theziekeshü

¹ Jihovae Zion ruo chü pevi lakeshü ki, hie mhogei mhieta zo.

² Sükisü nyükecü bu hie tie tshu, tsiu tsali bu hie meü tshupfü; süki seyie kekreikreicü donu kepu di “Jihova uko la mha kezha za chüshülie” ituota.

³ Jihova hie la mha kezha chüshü; süla hie neiya.

⁴ He-i Jihova, miadie kechü nunu hie ruo chü pevi lashücie. Negeb nu rücüko tuoi.

⁵ Mhidzü nunu prukeshüko kenei nu retuo!

⁶ Prushütuoü tsia pfü kra di praketau, telhakre pfü puo nei siei di la vor motalie lho.