Chieliko 125 - Angami Naga CL (Re-edited) Bible (BSI)

Jihova Puo Themiako Houpfü Keba

¹ Jihova pelekezhako we, rünielie kelho Zion kijüthou tuoi ba sei zotuo.

² Kijüthouko Jerusalem houpfü keba tuoi, Jihova rei Puo themiako houpfü ba, tsie yawinu vo kechachie ketso.

³ Kemiathoko bu u dzie chapie kejokemou nu shüwa molieketuo la, kerüzhü kedi theu bu kemiathoko la khapie keba kijüu gei pfülie kelho la.

⁴ He-i Jihova, themia keviko gei mha kevi chüshücie, mu u nou kemezhüko gei rei.

⁵ Derei u thuo rüreise cha kerüwitsa vaketako we, Jihova thuo kejokemou chüyakezhako sa uko zetatuo. Nouneu bu Israel gei baliecie!