Chieliko 124 - Angami Naga CL (Re-edited) Bible (BSI)

Jihova U Kitsa Kethau

¹ Jihova hie kitsa tha mo ücüwe, Israel bu tsie pulie,

² Jihova hie kitsa tha mo ücüwe, hie ngumvümia hie whuo kesieki,

³ uko u nou meyie di hie ngumvü kesie ki, perhei hie mezulietatuomuü.

⁴ Süki dzüdi bu hie vupfülie, mu dzükru kere hie mho votatuomuü.

⁵ Süki kerüzhakecü dzü rüpfhükoe hie mho votatuomuü.

⁶ Jihova bu thetshepfülie, puo hie khapie hie bu uko hu ca chüta mo.

⁷ Perae ratho-u ciephrie geinu takelie tuoi hie talie, ciephrieu tete, mu hie taliete.

⁸ Hie kekhruoe Jihova za gei ba, tei mu kijü chükeshüu.