Chieliko 122 - Angami Naga CL (Re-edited) Bible (BSI)

Jerusalem Bu Mene Baketuo la Kecha

¹ “Úko Jihova ki vo khe!” Mia a üse sikeshü ki a noumvülie.

² Hie phiko n kharu nu tha zo, He-i Jerusalem!

³ Nadi puo chü kemeteikelie, sü Jerusalem.

⁴ Seyieko, sünu voya Jihova seyieko sünu khoya, sidi Israel ki ahza khakeshü tuoi, Jihova zanu kethezie khashütuo üdi.

⁵ Thecathepi chüketuo la kediba pie sünu ba, David kikru kedibako.

⁶ Jerusalem bu mene banu di chacie; “N khrieyakezhako bu kruoliecie.

⁷ Vitho bu n cahou nu, khrukhrekecü bu n dahouko nu baliecie.”

⁸ A siezedzürie mu a zemia lanu, “Nouneu bu n nou baliecie,” ae siya.

⁹ Jihova Ukepenuopfü kiu lanu, a n kevi pfhütuo.