Chieliko 12 - Angami Naga CL (Re-edited) Bible (BSI)

Kekhruohi Kecha

¹ Kekhruohishücie, He-i Jihova, kemiathomia puorei jüketa la; themia donu kemiatho jüketa la.

² Uko huoniehuo gei medaya; huoniehuo se tshütshü di kerüchüya.

³ Jihova bu mia kese tieko, mu kemelhayakezha meüko dathewalie.

⁴ Sükoe sie, “Hie meü se kuolietuo; hie tie sü hie vie zo; supuonie hie mho niepuu ga?” iya.

⁵ “Kejüko menyükewa la, ketsopfhüko meheimelo keba la, a tsie sietuo, uko khrukhrekecü mengu keba thechü nu A uko pie sünu shüshütuo,” Jihovae siya.

⁶ Jihova dieko sü mesa; miphu nunu rakachü va thenie, the kemesakelie mhie zo.

⁷ No hieko yalietuo, He-i Jihova, no thephou hau nunu kechachie ketso hieko pekruse balietuo.

⁸ Themiakoe mha kesuou tsheta ro, kerüzhümia thechü pete nu tuotatuo.