Chieliko 113 - Angami Naga CL (Re-edited) Bible (BSI)

Kerünuomia Piesiekeshü la Ketshe

¹ Jihova tsheliecie. Tsheliecie, harie Jihova kituoko, Jihova za tsheliecie.

² Tsie yawinu telhekechachie ketso, Jihova za tshecie.

³ Niaki kethu nunu kele ketso Jihova za tshe zhü.

⁴ Jihovae seyie peteko mho rükrie, mu puo zayie sü teiko mho.

⁵ Supuonie kerükrie gei di keba Jihova, Ukepenuopfü mhie ga?

⁶ Puoe kepecie nunu, teigei mu kijüu meho baya!

⁷ Puoe nyophe nunu kejüko pesieshüya, tsiu nyopfhükhru nunu ketsopfhüu phoushüya;

⁸ süko bu kekuo kesemia ze balieya, themia donu kekuo kesemia rei ze.

⁹ Puoe kikrupie nuojüpfü tsüya, di u nuonuo keba kenei zuopfü chüshüya. Jihova tsheliecie!