Chieliko 110 - Angami Naga CL (Re-edited) Bible (BSI)

Jihovae Kediu bu Diketuo Khashüya

¹ Jihovae a Niepuu ki, “A zatsa balie, a n ngumvüko pie n phiba chüwa kemochie.”

² Jihovae Zion nunu n kekuo theu ketseshütuo. No n ngumvüko donu dilie.

³ No n rüpfhünuoko ze kemesa kijüthouko gei kevo nhie n themiako u nei di u khashütuo. Khise gei thezei tuoi n khriesako n ki vortuo.

⁴ Jihovae rüseshüte mu puo nou rüdita lho, “No Melkizedek tuoi kechachie zievo chüte.”

⁵ Jihovae n zatsa tha zo; puoe puo nou meyie kesie ki kediko biekhrüwatuo.

⁶ Puoe seyieko nyie kecütuo, kesiamo pie uko ketshu chüshütuo, themia tsü dutshiepie kijü ketshu chüshütuo.

⁷ Puoe cha khie rücü dzü krietuo, süla puo tsü pfüsietuo.