Chieliko 101 - Angami Naga CL (Re-edited) Bible (BSI)

Kemiatho Kelhou Setuoü Phrakeshü

¹ A n kekhrie mu kethoca pu kelituo; harie Jihova, a ketshe tsali chüpie n ki shütuowe.

² Ae pejolie kelho kelhou lhoulietuoü menuolietuo, no kicükipuo a ki vortieya mu? Ae pejolie kelho nouu se di a kinu tuotuo.

³ A mha kesuo puorei pie a mhinguki shülie lho. A tetsuketako mhatho ngumecü; süko bu a gei pfürlie lho.

⁴ U nou mezhü kemomia bu a kinu pecietatuo; a mha kesuou ze mhapuorei chülie lho.

⁵ Kepekhre nu puo zanuomia kebeyakezhamia, a puo pekawatuo. Kerüzhakecü mhi pfü, mu kemiakokecü nou kenyimia gei a shükhreshühiepfü thalie lho zo.

⁶ A mhi-e kijü nu kediethomia gei batuo, uko bu a ze lhou balieketuo la; vi tseikecü cha nu tuoyakezhamia a lie chütuo.

⁷ Mha se tuoyakezhamia puorei bu a ki nu lhoulie lho; ketijü puyakezhamia puorei bu a mhinguki thalie lho.

⁸ A teisoduü kijüu nu kerüzhüko pekawawatuo, a Jihova nadiu nunu mha kesuo chüyakezha khe dathewatuo.