Chieliko 1 - Angami Naga CL (Re-edited) Bible (BSI)

Kenei Ketho

¹ Kerüzhümia mharhü nu tuo kemo, morei kephoumako cha nu tuo kemo, tsiu mia melekezhako ba nu baya kemo themiau thejakepfütho.

² Derei puo keneiue Jihova zho-u rübei gei ba; mu puoe teizeiteiso puo nou se puo zho-u medoya.

³ Puoe puotei tou ki, puo si vüshüyakezha dzü kenyi kerü khie nu sekeshü seibo puo mhielietuo, mu puo nyü rei rüwitalie lho; siro puoe chükeshü khe kruolietuo.

⁴ Kerüzhüko we sümhie mo; derei teikhrie bu hepfütayakezha shübe mhie zo.

⁵ Süla kerüzhüko we dienyau nu thalie lho; morei kephoumako rei kemiathoko kehouu nu thalie motatuo.

⁶ Jihovae kemiathomia chau mehoyacü la; derei kerüzhüko cha we katatuo.