Yuta 1 - 阿美語聖經-新約附詩篇箴言

¹ O koli ni Yis Kristo, o salikaka ni Yakop ci Yuta kako. Patilid kako i tamowanan o kaolahan no Wama a Kawas, o madipotay ni Yis Kristo a matahidangay no Kawas a tamdamdaw.

² Nanay, matongal a matongal ko adayay ato rihaday ato olah no Kawas i tamowanan.

O Mangah a Singsi

³ Kaolahan ako a salikaka, nao misaharateratengay kako to sapatilidaw i tamowanan to pakayniay i nitinakoan ita a pipa'orip no Kawas titaanan. Nikawrira, o harateng ako i o tatangsolen a palimo'ot kamo, ta mararid kamo pa'ading toya kinaccay a masongila'ay a mipatorodan no Kawas a nipasifana'an i mitooray to pilood no piti'er.

⁴ Nawhani ira ko dokdok sanay a micomod titaanan a caay ka ngodo to Kawas a singsi, 'akongen nangra ko sowal to pakayniay i mikomi no Kawas ita to sapa'ading nangra to ma'odangay a dmak nangra. Misiikor cangra to dengan a Tapang, o Tapang ita ci Yis Kristo. Naniti:ya aca a mapali'ayawto i Fangcalay Cudad ko nika o mamapastek i tfoc cangra.

⁵ Pa'oripen no Tapang ko finawlan no Israil a paliyas nai Icip. Nanoya, tkopen Ningra ko caay paso'lin a tamdamdaw. Kafana'anto namo konini. Nikawrira, mangalay kako a papiharateng tamowanan tonini.

⁶ O romasato, haratengen koya macangalay to kamaro'an no tireng a sapi'afasananay to kamaro'an no Kawas a coyoh. Sawad han nangra ko kamaro'an nangra. Saka, paliten no Kawas cangra to lonayi' a mirofo i to'manay tangasa i tadamaanay a pisawkitan no Kawas a romi'ad.

⁷ O romasato, haratengen ko Sotom, Komora ato i taliyokay nangra a niyaroaro'. Matiya oya coyoh cangra a ma'odang. Masasikalona cangra a midmak to moraraway a pinangan. Saka, o caay ko mamapadeng a tahada'oc a namal ko sapitfoc cangraan. O sakafana' no tamdamdaw a matalaw konini a dmak.

⁸ Malcad tonini koya singsi. Pakayni i nipipaka'araw nangra to mapolosi ko nipipaacek nangra to tireng nangra a ciraraw. ^Pecen nangra ko pikowan no Kawas. Tonganganen nangra ko i kakarayananay a coyocoyoh.

⁹ Ci Mikail sa o sakakaay a kakridan no coyoh i, caay pihaen a mitongangan, yo macacoli cingra ato Palafoay a mala'afas to kodih ni Mosi i, caay ka sapisamsaman ci Mikail, caay ka sapitoro'an cingra toya Palafoay. <> haen han aca ningra koya Palafoay.

¹⁰ Nikawrira, milokes konini a singsi to kafokilan nangra a dmak. Matiya o 'a'adopen cangra. Matoor nangra ko no 'a'adopen a pinangan. Saka, orira a kafana'an nangra a dmak ko sakatkop nangra.

¹¹ O cacilafo cangra. Nawhani todongen nangra ko dmak ni Kain. O sakaci^tanaw nangra saka, do^doen nangra ko dmak ni Palam a paci^ci a ciraraw. Matiya ci Koraan cangra a pacoli saka, matiya o nika tkop ni Kora ko nika tkop nangra.

¹² O mipa'oningay, o mipakangodoay, o macoosay ko nipikapot nangra to kapolongan namo a tahka. Deng o saki tireng aca nangra ko niharatengan nangra a komaen a pafcol. Matiya o caay ko saka'oradananay a maiyofay no fali a to'em cangra. Matiya o awaay ko hci a kilang to kafarawfawan oya halolamitay a mafa'not a ma'icangay a kilang cangra.

¹³ Matiya o nipipasadak no faliyos to folang no riyar ko nipipatalahkal nangra to kangodoan a dmak. Matiya o pa'oliday a fo'is cangra a matfad i mida'ocay a nipatalaanto no Kawas a to'manay ato awaay ko para' a ofang.

¹⁴ O saka pito a kadado^do no tloc ni Atam ci Inok ko pali'ayaway a pasowal to pakayniay i cangraan. O sowal ningra i, <

¹⁵ a misawkit to tamdamdaw a ma^min. O papasteken Ningra i raraw a ma^min ko caay ka ngodo to Kawas a ciraraway a tamdaw to nika tatiih no dmak nangra ato nika ^ca ka talaw nangra a pasowal to tatiihay a sowal a pacoli i Kawas,>> saan.

¹⁶ O ngaliwngiway cangra a miroroh to tao. Toor han nangra ko tatiihay a 'anof no tireng. O pasnengay cangra a somowal. O sapilihiwaw nangra to tao saka, kowaden nangra ko tamdaw a somowal.

O Limo'ot ato Sifana'

¹⁷ Kaolahan ako a salikaka, haratengen ko nano sowal no tarokos no Tapang ita ci Yis Kristo i tamowanan i 'ayawto.

¹⁸ O sowal nangra i tamowanan i, <> saan.

¹⁹ O parawraway cangra. O no tirengan aca ko harateng nangra. Awaay ko Fangcalay 'Adingo i cangraan.

²⁰ Nikawrira, sa'icelen ko namo o kaolahan ako a salikaka a patanektek to fangcalay a piti'er namo to Kawas. Pakaynien i 'icel no Fangcalay 'Adingo ko nipitolon namo.

²¹ Kararid a ma'orip i olah no Kawas. Halamhamen a mitala ko pipafli no adayayay a Tapang ita ci Yis Kristo i tamowanan to mida'ocay a 'orip.

²² Oya hinapecay a tamdaw i, kaadayayen namo cangra.

²³ Samatiyaen o nipicfis a pasadak nai namal ko nipipa'orip i cangraan. Ka o nano calemcem namo ko pipa'ayaw to romaroma nangra a sini'ada. Nikawrira, halomacngelay no ciraraway a 'anof nangra a riko' a ka'osien.

^24-25 O dengan a Pa'oripay titaanan a Kawas ko ci'icelay a midipot tamowanan to saka^caaw ka tfad namo, ta caay ka ci'oning kamo. O ci'icelay Cingra a mipalasawad to raraw namo a mikrid tamowanan a patireng i ka'ayaw no ci'dilay a tireng Ningra a palipahak tamowanan. Nanay pakayni i Tapang ita ci Yis Kristoan a mapa'dil Cingra. Nanay kasnengan no tamdaw Cingra. Nanay ci'icel ko pikowan Ningra nani'ayaw no satapangan no hkal tahanini a tahada'oc. Amin.