Yakop 4 - 阿美語聖經-新約附詩篇箴言

Aka Pisawidang to Hkal

¹ O maan ko sakaira no kala'odo'odot ato kacacolicoli namo hakiya? Caay ko nano nika la'afa'afas no masamaamaanay a 'anof no faloco' namo saw?

² Mangalay kamo i, caay ka layap namo. Saka, mipatay kamo. Ma'inal kamo i, caay ka ala namo. Saka, macacolicoli, mala'odo'odot kamo. O saka ^ca pakalayap namo i, o nano nika ^ca pingitangit namo to Kawas.

³ Mingitangit kamo i, caay ka layap namo. Nawhani moraraw ko faloco' namo a mingitangit. O sakaacang namo ko nipingitangit namo.

⁴ Kamo o caay ka so'lin ko faloco' a mitoor to Kawas a tamdaw, caay ka fana' kamo saw? O misa'adaay to Kawas ko misawidangay to hkal. Ano sapisawidangan ko tamdaw to hkal i, o pala'adaay to tireng ningra i Kawas.

⁵ O sowal a matilid i Fangcalay Cudad i, <> saan. Awaay ko ^poc tonini a sowal sa kamo saw?

⁶ Nikawrira, tadakadofah ko nipaflian no Kawas a mikomi, mato sowal a matilid i Fangcalay Cudad, <> saan.

⁷ Orasaka, haklongen ko Kawas. Pacolien ko Palafoay, ta milaliw cinira i tamowanan.

⁸ Piraod kamo to Kawas. Ta miraod ko Kawas i tamowanan. Kamo o ciraraway a tamdaw, koracen ko kamay. Kamo o misamangahay a tamdaw, koracen ko faloco' namo.

⁹ Kararima, kararom, katomangic kamo. Palatangicen ko tawa namo. Palaksemen ko lipahak namo.

¹⁰ Sapo^neren ko faloco' namo i ka'ayaw no Tapang, ta pacakaten no Tapang kamo.

Aka Pisatatiih

¹¹ Salikakaaw, aka ka lalikalikaf kamo. O milikafay, o misatatiihay to mitooray ci Kristoan a salikaka i, o milikafay, o mi^pecay to Rikec ni Mosi. Ano mi^pec kiso to Rikec i, caayto ko mido^doay kiso to Rikec. O misawkitay kiso to Rikec.

¹² O Kawas a ccay ko patirengay to rikec ato misawkitay to tamdaw. Cingra a ccay ko pakapa'oripay ato pakatkopay to tamdaw. Ano hatira i, o maan kiso iro misatatiih kiso to tao a mipastek i raraw saw?

Aka Pasneng

¹³ Kamo oya, <> sanay a tamdaw i, pitngil to sowal ako.

¹⁴ Caay ka fana' kamo to nika o mamasamaan ko 'orip namo anocila. Matiya o canem kamo. Caay ka halafin ko nika ira i, malahdawto.

¹⁵ <> o sasaan kamo.

¹⁶ 'Arawhani, malita'ang kamo a pasneng. O tatiihay a ma^min ko matiraay a pipasneng namo.

¹⁷ Orasaka, ano mafana' ko tamdaw to nika o nga'ayay konini a dmak ano saan cingra, ano caay pidmak cingra tonini i, o raraw ningra korira.