Yakop 2 - 阿美語聖經-新約附詩篇箴言

O Pikter to Misakakinihay

¹ Salikakaaw ako, o paso'linay kamo a mitoor to ci'dilay a Tapang ita ci Yis Kristoan. Saka, aka pinengneng to ca'dong no tamdaw, a misakakinih to cimacimaan.

² Tinako sa, ira a micomod i kasa'opoan namo ko tatosaay a tamdaw. O cidafongay a tamdaw ko ccay. Cifati to tada^kim, ciriko' to makapahay cingra. O pakoyoc a tamdaw ko ccay. Ciriko' to makamiday cingra.

³ Kangodoen iso koya ciriko'ay to makapahay a somowal i cingraan, <> han iso. Sowal sa kiso toya pakoyoc a tamdaw, <> ano han iso ko sowal i,

⁴ tada o misakakinihay kamo to tamdaw. O nano tatiihay a faloco' namo ko sapinengneng namo to tamdaw.

⁵ Kaolahan ako a salikaka, pitngil to sowal ako. Pili'en no Kawas ko pakoyocay a tamdaw nonini a hkal a palatadamaanay ko piti'er a papikowan to kitakit Ningra, o nano nisowalan Ningra i maolahay Cingraan a tamdaw konini a Kitakit.

⁶ 'Arawhani, pakangodoen namo ko pakoyocay a tamdaw. Caay hakiya ko cidafongay a tamdaw ko misamsamay tamowanan a mipa^kel? Caay hakiya ka cangra ko mitarohay tamowanan a patayra i pisawkitan?

⁷ Cangra ko milokesay to nipaflian no Kawas tamowanan a tadamaanay a ngangan.

⁸ O sowal a matilid i Fangcalay Cudad i, <> saan. Ano mado^do namo konini a rikec no nikowanan no Kawas a kitakit i, nga'ayay ko dmak namo.

⁹ Nikawrira, ano misakakinih kamo to tamdaw i, o ciraraway kamo. O ciraraway kamo han no Rikec kamo a mipastek i raraw.

¹⁰ Ano ma'ime'imer ko cima to polong no rikec, ano miliyangay cingra to ccay i, o miliyangay cingra to polong no rikec.

¹¹ Nawhani <> yasanay a somowal a Kawas i, <> saan ko roma a sowal Ningra. Orasaka, ano caacaay ka 'odang kiso, ano mipatay kiso to tamdaw i, o miliyangayto kiso to Rikec.

¹² Pina'on kamo to sowal ato dmak namo. Nawhani pakayni tonini a mitdalay to tamdaw a rikec a o mamaliclic kako han ko faloco' namo.

¹³ O caay ka sini'ada to tamdaw i, caay ko kasini'adaen no misawkitay a Kawas. Nikawrira, o sini'adaay to tamdaw i, o mamaliyas ningra ko pisawkit no Kawas.

O Paso'lin ato Pinangan

¹⁴ Salikakaaw ako, o miti'eray kako ci Kristoan, ano saasaan ko cima, ano caay ka nga'ay ko dmak ningra i, o maan ko ^poc saw? Pakapa'orip cingraan ko matiraay a piti'er ningra ci Kristoan haw?

¹⁵ Tinako sa, ano caay ka deng to riko', ano cango'ot to kakaenen ko salikaka namo to fa'inayan to fafahiyan i,

¹⁶ <> ano saan ko cima namo i cangraan, ano caay paflien namo cangra i, o maan ko ^poc to nika somowal namo saw?

¹⁷ Malcad torira, ano caay pahapinangen namo i dmak namo ko nipiti'er namo ci Kristoan i, awaay ko ^poc.

¹⁸ Nikawrira, ira ko sasomowal a tamdaw, <> saan. Ano hatira i, sowalen ako cingra, <> o hahaenen ako a paca'of.

¹⁹ Ccay ko Kawas saan ko pipaso'lin iso haw? Nga'ayay korira. Halopalafoay a paso'lin a mamirmir a matalaw.

²⁰ Kiso o mafolaay a tamdaw, mangalay kiso saw to pipatado no tao tisowanan a pahapinang to nika awa ko ^poc noya caay pilahci a midmak a piti'er ci Kristoan?

²¹ O maan ko sakanga'ay no tato'asan ita ci Apraham a malayap no Kawas saw? Pakayni i dmak ningra a mipacakat to wawa ningra ci Isakan i pipacakatan ko sakanga'ay ningra.

²² I tini a mafana' kiso, malalilid ko nipiti'er ni Apraham to Kawas ato dmak ningra. Saka, pakayni i dmak ningra ko sakasongila' no piti'er ningra to Kawas.

²³ Saka, malahci ko sowal a matilid i Fangcalay Cudad toya, <> sanay. Saka, o widangto no Kawas han cingra.

²⁴ I tini a mafana' kamo, pakayni i dmak ko sakanga'ay no tamdaw a malayap no Kawas. Caay ka pakayni i piti'er ci Kristoan a ccay.

²⁵ Mahaenay ci Rahap oya tasalamaan a fafahiyan. Pakayni i dmak ningra ko sakanga'ay ningra a malayap no Kawas. Nawhani hamhamen ningra koya misolapay to niyaro' a Yutaya a tamdaw. O romasato, papilaliwen ningra cangra a pakayra i roma a lalan.

²⁶ Tinako sa, ano awaay ko 'adingo no tatirengan i, o mapatayay koya tatirengan. Malcad tonini, ano caay ka hapinang i dmak ko piti'er ci Kristoan i, o mapatayay ko piti'er noya tamdaw.