Yakop 1 - 阿美語聖經-新約附詩篇箴言

¹ Ci Yakop kako, o koli no Kawas ato Tapang ci Yis Kristo. Nga'ayho ko namo o maliwasakay i cowacowa no hkal a finawlan no Kawas.

O Paso'lin ato Taneng

² Salikakaaw ako, ano malitmoh namo ko masamaamaanay a pades i, o kakahmekan konini han ko faloco' namo.

³ Nawhani mafana' kamo, o nano pilifet namo to pades a miti'er ci Kristoan ko sakakodait namo.

⁴ Lahcien ko nipihadidi namo. Ta awaayto ko laliyaliyawen i tamowanan to nika songila' namo.

⁵ Ano cima namo ko caay ka deng ko taneng i, ngitangiten ko Kawas. Ta mapafli no Kawas koya tamdaw. Nawhani o halipafliay ko Kawas i kahaccaccay a tamdaw. Caay pakasmer Cingra to milongocay Cingraan.

⁶ Nikawrira, aka ka cihinapec to mamamamang aca. Paso'lin han ko Kawas a milongoc. Nawhani matiya o nifiyokan no fali a taplik no riyar a maconacon ko hinapecay a tamdaw.

^7-8 O matiraay a tosaay ko faloco' a tamdaw i, paflien no Tapang kako to maan aka ka saan. Nawhani awaay ko pinang no dmak ningra a ma^min.

O Pakoyocay ato Cidafongay

⁹ Kamo o pakoyocay a salikaka, ano pacakaten no Kawas kamo i, kalipahak.

¹⁰ Kamo o cidafongay a salikaka, ano sreren no Kawas kamo i, kalipahak. Nawhani matiya o nika rasras no hana no pala ko nika lahdaw no cidafongay a tamdaw.

¹¹ Masadak ko cidal a mitarang i, ma'icang ko rngos. Marasras ko hana. Malasawadto ko nika kapah nira. Mahaenay ko cidafongay a tamdaw. Yo caho ka lahci ko tayal ningra i, o mamalasawad cingra.

O Salifet ato Sasawi

¹² Malmed ko mihadidiay to pades a tamdaw. Nawhani ano malahci ningra ko pilifet no Kawas i, o mamapafli cingra to 'orip, oya nano nisowalan no Kawas a sapafli Ningra i maolahay Cingraan a tamdaw.

¹³ Ano masawi ko cima namo to nano pades i, <> aka ka saan a somowal. Nawhani caay ka sawi no tatiihay ko Kawas. O romasato, caay pisawi Cingra i cimacimaan.

¹⁴ O 'anof no tireng ko sakasolot no tamdaw a masawi.

¹⁵ Cipoyapoy ko 'anof ningra i, mahofoc to raraw. Malahad ko raraw ningra i, malasakapatay noya tamdaw.

¹⁶ Kaolahan ako a salikaka, aka ka safana' kamo.

¹⁷ Polong no nga'ay a dmak ato kahirahira no masongila'ay a rocek i, nai kakarayanay a ma^min, nai ci Wamaan a tayni. O Wama a Kawas ko misanga'ay to likat a ma^min. Caay ka falic Cingra, caay haca ka pisafalifalic.

¹⁸ O sakanga'ayaw ita a malasakakaay i tini i nisanga'an no Kawas a ma^min saka, do^doen Ningra ko nafaloco'an Ningra a mihofoc titaanan pakayni i so'lin a sowal.

O Pitngil ato Pilahci

¹⁹ Kaolahan ako a salikaka, o sasongila'en ita a ma^min ko pitngil to sowal no tao. Aka ka tangsol a somowal. Aka ka tangsol a makter. Haratengen konini a sowal.

²⁰ Nawhani ano makter ko tamdaw i, caay ka toor ningra ko niharatengan no Kawas a mo^celay a dmak.

²¹ Orasaka, falahen ko kaackan a pinangan ato tatiihay a dmak a ma^min. Ka o misapo^neray ko faloco' namo a milayap to nipalomaan no Kawas i faloco' namo a sowal Ningra. Nawhani pakapa'oripay tamowanan konini a sowal.

²² Aka ka o pitngil a ccay to sowal. Ka o milahciay kamo to nitngilan namo a sowal. Ano caay haenen namo i, o misafana'ay kamo to tireng namo.

²³ Nawhani o caay pilahci a tamdaw to nitngilan ningra a sowal i, matiya o midadingoay to faco no pising no tireng.

²⁴ Miliyas cingra nai pidadingoan naminengneng to pising ningra i, tangsol sa a mapawan cingra to nika masamaan ko pising ningra.

²⁵ Nikawrira, o misongila'ay a tamdaw a minengneng a miasip to mitdalay to tamdaw a masongila'ay a rikec i, caay ka pawan cingra. Mararid cingra a miharateng, ta lahcien ningra ko ninengnengan ningra. O matiniay a tamdaw i, o mamapalmed no Kawas ko polong no dmak ningra.

²⁶ O malalokay kako a mitoor to Kawas, ano saasaan ko tamdaw, ano caay paka'met to ngoyos ningra i, o misa'fitay cingra to tireng ningra. Awaay ko ^poc to nika lalok ningra a mitoor to Kawas.

²⁷ O pinengneng no Wama a Kawas i, deng o makoracay, caay ka ci'oning a malalokay a mitoor to Kawas hananay i, o pidipot to mapadesay a pakoyoc a wawa ato maponengay ato nika 'imer to tireng to saka^caaw ka cngel no hkal a maponi'.