Taneng 7 - 阿美語聖經-新約附詩篇箴言

¹ Wawaaw, pakifaloco'en ko sowal ako, aka pitawal to limo'ot ako i tisowanan.

² Ka'imeren ko limo'ot ako, ta kadofah ko 'orip iso, pina'on a mido^do to sifana' ako a matiya o pina'on iso to mata iso.

³ Kararid a ma'imer a pakifaloco' to sifana' ako.

⁴ Palasalikakaen iso to fafahiyan ko taneng, palatadawidangen iso ko fana'.

⁵ Ta mapaliyas nanira kiso nai fafahi no tao ato nai ko^sanay ko sowal a ma'otitay a fafahiyan.

O Ma'odangay a Fafahiyan

⁶ Yo ccay a romi'ad pasipapotal kako a minengneng i sasingaran no loma' i,

⁷ ma'araw ako ko papinapina a maapaay a kapah, mahapinang ako ko ccay nangra to tadamafolaay.

⁸ Mililis cingra a romakat i sakatayra i loma' noya ma'odangay a fafahiyan.

⁹ Yo to'manto i, tayra cingra i fawahan no loma' noya fafahiyan.

¹⁰ Masadak koya fafahiyan a mihamham i cingraan, matiya o tasalamaan a fafahiyan ko picipoh ningra to sapisa'fitaw.

¹¹ O ma'otitay konini a fafahiyan saka, misarakarakat cingra i lalalalan.

¹² Tomireng cingra i tini, tayra cingra i tiraw a misarakarakat, ano latek itira cingra i lalan, latek itira cingra i kalali'acaan a mitala.

¹³ Takec han ningra koya kapah a micocop, sasdisdi sa a matawa a somowal.

¹⁴ <

¹⁵ saka, masadak kako a mikilim i tisowanan, halamham sa kako a mimelaw to pising iso, 'arawhani i tiniay aca kiso.

¹⁶ Mahrekto kako a misaksak to kafoti'an to macngelay makapahay a kiradom no Icip.

¹⁷ Mapafangsisto ako to mir ato aloy ato akasiya ko kafoti'an.

¹⁸ Tata, salafii sa kita a matatakec a malipahak.

¹⁹ Awaay ko fa'inay ako i loma', masadakay cingra a palafang.

²⁰ Adihay ko nihawikidan ningra a payso, caay ko maminokay cingra tonini a tosa a lipay,>> han ningra.

²¹ Haenen noya fafahiyan a misasaynay a misawi cingra, sako^sanen ningra ko sowal a mipael i cingraan.

²² Saka haklong sato koya kapah i cingraan, samatiya sato o nikitingan a kolong a patayra i pipacokan ato samatiya sato o tahakfengay i talakal a malonem cingra.

²³ Mata'selto no pana' ko faloco' ningra, matiyato o patfoay i talakal a 'ayam cingra, caay ka fana' cingra to nika o kacalemceman ko 'orip ningra.

²⁴ Wawaaw, pitngil to sowal ako i matini, pina'on a mitngil to sowal ako.

²⁵ Aka ka pael no matiniay a fafahiyan ko faloco' iso, aka pisafolafola a mihaklong i cingraan.

²⁶ 'Alomanto ko nitfadan ningra a tamdaw, caayto ka sa'osi ko nipatayan ningra a tamdaw.

²⁷ O tayraay i loma' ningra i, o tayraay i kaitiraan no mapatayay, o sakatayra i patay ko loma' ningra.