Taneng 6 - 阿美語聖經-新約附詩篇箴言

O Pipatoor a Palimo'ot

¹ Wawaaw, iraay ko pihosiw iso to kiyam no fiyaw iso haw? Ano ^ca i, iraay ko pihosiw iso a patikol to kiyam no kafahalan iso a tamdaw haw?

² Awaay ko katahafikodan iso to nano nisowalan iso a sowal haw? Ano ^ca i, caay ka palit no niktonan iso a sowal kiso haw?

³ Wawaaw, ano iraay ko matiraay a dmak i, o marpetay noya tamdaw kiso. Ano hatira i, samaanen iso a miliyas saw? Kalamkamen a tayra toya tamdaw, ngitangiten cingra to sapitdalaw toya sapalit ningra i tisowanan.

⁴ Fafoti' aka ka saan, aka ka pahanhan.

⁵ Pa'oripen ko tireng no niyah, matiya o 'ayam a misafirofiro a miliyas to talakal, matiya o malonem a milaliw to mi'adopay a tamdaw.

⁶ Kamo o matokaay a tamdaw, pinengneng kamo to dmak no kakonah hna, ta citaneng kamo.

⁷ O kakonah i, awaay ko kakridan, awaay ko tapang, awaay ko mikowanay nanira.

⁸ Nikawrira, yo pipanayan to kacihrangan i, mipatala cangra a mina'ang to kakaenen to saki kasi^nawan.

⁹ Kiso o matokaay a tamdaw, tahacowa ko nika foti' saw? Tahacowa ta lomowad kiso saw?

¹⁰ O sowal iso i, <> saan.

¹¹ Nikawrira, yo marda' ko foti' iso i, matiya o mi'afasay ko pakosiya a miri'ang i tisowanan, matiya o mitatoyay to sapilood a kokong ko cango'ot a mitkop i tisowanan.

¹² Tayra i cowacowa ko tatiihay a tamdaw a misamangah.

¹³ Misaknikni' cingra to mata a misakawikawih to kamay ato wa'ay to sapisa'fitaw ningra i tisowanan.

¹⁴ Mararid a misahalaka ko 'antolay a faloco' ningra to tatiihay a dmak, tayra cingra i cowacowa a palowad to sakacacolicoli a dmak.

¹⁵ Onini ko saka talifahal sa ira ko pades ningra, caayto ko sasamadah ko nilayapan ningra a kari'ang.

^16-19 Ira ko pito a dmak to ka'osian no Tapang to caay ko mamahadidi Ningra a dmak. O pisatakaraw no mata a minengneng, o pisamangah no sma a somowal, o pipatay no kamay to awaayay ko raraw a tamdaw, o pisahalaka no faloco' to tatiihay, o nika kanir a midmak no wa'ay to tatiihay, o pisamangah a pawacay, o pipalakalakalat to sowal i widawidang.

Aka ka 'Odang

²⁰ Wawaaw, ka'imeren ko limo'ot no wama iso, aka pitawal to sifana' no wina iso.

²¹ Pakifaloco'en ko sowal nangra, ca'dongen i li'el iso.

²² O mamikrid to rakat iso ko sifana' nangra, o dadaya i, dipoten nira kiso, o romi'ad i, pacafayen nira kiso.

²³ O limo'ot nangra i, o likat, o sifana' nangra i, o lalan no 'orip no tamdaw.

²⁴ O sakafana' iso a miliyas to ma'otitay a fafahiyan ato ko^sanay ko sowal a fafahi no tao.

²⁵ Aka ka pael no nika kapah ningra, aka ka solot no mata ningra.

²⁶ O tasalamaan a fafahiyan i, ma^dengto to ccay a 'aplad no ^pang ko sapa'aca, nikawrira, ano ma'odang kiso to cifa'inayayto a fafahiyan i, halopolong no 'orip iso a malasawad.

²⁷ Ma^deng ko tamdaw a miti'nec a misimed to namal a caay ka todoh ko riko' saw?

²⁸ O romasato ano romakat ko tamdaw i marengrengay a 'afel i, ma^deng a caay ka todoh ko wa'ay saw?

²⁹ Malcad tonini, ano midi'i to fafahi no tao i, o kacalemceman konini. O midi'iay i cingraan i, o mamatfoc.

³⁰ O sakapitakaw no mitakaway a tamdaw i, latek nika cahiw ningra to kakaenen, ma^dengho a sololen konini.

³¹ Nikawrira, ano marpet cingra i, pito ko tongal to sapatikol a patodong, o lasawadto no dafong ningra a ma^min to sapatfoc.

³² O ma'odangay a tamdaw i, o tadamaapaay, o miplengay cingra to tireng ningra.

³³ O mamapakangodo cingra a masti', caayto ko mamalasawad ko sakacingodo ningra.

³⁴ Nawhani marafraf no 'inap ko kter no fa'inay ningra, saka, caayto ko sasini'ada cingra a mico'ay.

³⁵ Caay ko mamilayap cingra to sapatfoc, ano adihadihay ko sapafli i cingraan i, caay ko mamapadeng ko kter ningra.