Taneng 31 - 阿美語聖經-新約附詩篇箴言

O Limo'ot no Wina ni Limuil a Hongti

¹ O isasaay a sowal i, o pa'icel a pasifana' no wina ni Limuil a hongti.

² <

³ Aka palasawaden ko 'icel iso i 'anof no faloco', aka pila'om to payso i tireng no fafahiyan, o nao mitkopay to hongti ko matiniay a dmak.

⁴ Limuilaw, pitngil, aka pi'owak to ^pah ko hongti, aka ka 'anof to ^pah.

⁵ Ano komaen to ^pah i, matawalto ko rikec no kitakit, masakahmawto ko kanga'ayan a tatodong no pakosiya ato mapadesay a tamdaw.

⁶ O ci'icelay a ^pah i, o sapakaen to sakapatayananay, o fadisoso' a ^pah i, o sapakaen to maksemay ko faloco' a tamdaw.

⁷ Ano komaen cangra i, matawalto nangra ko ksem ato pades nangra.

⁸ <

⁹ Pipatado cangraan a pa'ading, do^doen ko mo^celay a pisawkit cangraan, pipa'ading to pakosiya ato misemsemay a tamdaw,>> han ningra.

O Matanengay a Fafahiyan

¹⁰ Ano pakatama to matanengay a fafahi i, ikaka no odo' ko nika tadamaan noya fafahiyan.

¹¹ Miti'er ko fa'inay ningra i cingraan, caay ko cacango'ot to saka'orip cangra.

¹² Tahatolas no 'orip ningra ko nipipadama to fa'inay ningra, awaay ko pisipon ningra i cingraan.

¹³ Malalok cingra a mitnooy to fanoh no siri ato mowa a kliw a misariko'.

¹⁴ Matiya o micolo'ay to dafong a tamina cingra, miala to kakaenen cingra nai cowacowa a maraayay a patayra i loma' ningra.

¹⁵ Lomowad cingra to kaniharan a misakaranam, misilsil cingra to tatayalen no fafahiyan a koli ningra.

¹⁶ Mangalay cingra a ci omah, saka tayra cingra a micakay, o ni^tanan ningra a payso ko sapipaloma ningra to pisafadisoso'an.

¹⁷ Tanektek a malalok a matayal cingra, caay ka talaw cingra to kartengay a tayal.

¹⁸ Mafana' cingra to malo^tan no nitayalan ningra, saka, misalafii cingra a matayal.

¹⁹ Minoka cingra to malokliw ningra to tatnooyen, ta tnooyen ningra.

²⁰ Maolah cingra a palada' to pakoyocay, midama cingra to cango'otay.

²¹ Ano matfad ko so^da i, caay ka roray a miharateng cingra, nawhani, ciriko' ko paro no loma' ningra a ma^min to dihkoay.

²² Mitsel cingra to saksak no kafoti'an, o nisanga'an to nga'ayay a mowa a kliw ato tarangitangay a kiradom ko riko' ningra.

²³ Kahmekan no tamdamdaw ko fa'inay ningra, o kakridan no niyaro' ko fa'inay ningra, mikapot to mato'asay no niyaro' ko fa'inay ningra a maro' i 'adawang no niyaro'.

²⁴ Sanga'en ningra ko riko' to safangcalay a kliw ato safaked a pacakay i patiyamay a tamdaw.

²⁵ Ci'icel konini a fafahiyan, o kangodoan no tamdaw cingra, matomes no lipahak ko faloco' ningra a miso'ayaw to aira a dmak.

²⁶ O citanengay ko sowal ningra, o ciadayayay ko sifana' ningra.

²⁷ Malalok cingra a milosimet to tatayalen no loma', caay pisatokatoka ko faloco' ningra.

²⁸ Pahapinang ko polong no wawa ningra to olah i cingraan. Mahmek ko fa'inay ningra i cingraan a sowal sa,

²⁹ <<'Aloman ko matanengay a fafahiyan, deng kiso a ccay ko ikakaay nangra,>> saan.

³⁰ O nika salongan no fafahiyan i, o mangah, o nika kapah ningra i, awaay ko ^poc, deng o mangodoay to Tapang a fafahiyan ko kakahmekan.

³¹ Nanay marnec cingra to hci no nitayalan ningra, nanay makahmek i kapolongan no sa'opo ko nika ci^poc no nitayalan ningra.