Taneng 27 - 阿美語聖經-新約附詩篇箴言

¹ Aka ka i 'ayaw ko pipasneng iso a somowal to aira a dmak, nawhani caay ko kafana'an iso ko nika o mamasamaan ko dmak to ccay a romi'ad.

² Ka o tao ko pahmekay ano ^ca o fiyaw iso. Aka ka o kiso ko pahmekay to tireng.

³ Tadaikaka no karteng no fokloh ato tafok ko nika karteng no pades to nano nika apa.

⁴ Ikaka no kter ko 'inap a mikari'ang to tamdaw.

⁵ O pipahapinang a mitoro' a misalof to raraw no kaolahan iso a tamdaw ko nga'ay to dokdok sanay a miolah.

⁶ Nga'ayay ko pipalamo^cel no widang iso to faloco' a misalof, nikawrira, o nana'onen iso ko pisawidawidang no 'ada i tisowanan a mi'afang.

⁷ Ano mafcol ko tamdaw i, mana'ay a komaen to waneng no 'odal, o macahiway a tamdaw i, halo'angreray a kakaenen a ko^sanen.

⁸ O miliyasay to niyaro' a tamdaw i, matiya o miliyasay to dipong nira a ma^feray a 'ayam a tayra i maraayay.

⁹ O sapafanohong ato sata'os a simal i, o sakalipahak no tamdaw, malcad tonini o so'linay a widang i, makapah ko pipa'icel ningra.

¹⁰ Aka pitawal to widang iso ato widang no wama iso, ano malitmoh iso ko pades i, aka pingitangit i salikaka iso to pipadama ningra, nawhani ikaka no iraayay a salikaka iso ko nika nga'ay no i fiyaway iso.

¹¹ Wawaaw ako, ka o citanengay kiso, ta lipahak ko faloco' ako, ta ira ko sapaca'of ako toya matawaay i takowanan a tamdaw.

¹² Malitmoh no mafana'ay a miharateng a tamdaw ko nika aira no pades haw i, tangsol sa cingra a miliyas. Nikawrira, o mafokilay a miharateng a tamdaw haw i, tayra a miraod toya pades.

¹³ O mihaydaay a mihosiw to kiyam no kafahalan a tamdaw i, o mamapatampo ko riko' ningra.

¹⁴ Ano pacerem to dafak a misatata'ang to ngiha' a micokat a mipakalmed to fiyaw i, malcad to mi'kakay cingraan.

¹⁵ O karapo'iyay a fafahi i, matiya o satara'ta' sanay a 'orad,

¹⁶ o mi'metay cingraan a patrep i, caay ka rahoday malcad to mi'metay to miforiforay a faliyos ato malcad to mirpetay to simal a kamay.

¹⁷ O marad i, o marad ko sapirnac a patalem, malcad tonini matopirenac ko malawidangay a masasipa'icel.

¹⁸ O misimaway to sokon a losay i, o kakomaen to hci no sokon a kilang, o matayalay i tawki ningra i, o mamakahmek no tawki ningra cingra.

¹⁹ Madadingo i nanom ko pising no tireng, mahapinang i pising ko i laloma'ay no faloco'.

²⁰ Caay ko mamatomes ko kaitiraan no mapatayay ato katkopan, caay ko mamatomes ko 'anof no tamdaw.

²¹ O namal i parod ko sapi'olac to tada^kim ato ^kim. O pihmek no tao ko sapilifet to tadamaanay a pinangan no tamdaw.

²² Ano samaamaanento ko pasifana' to maapaay a tamdaw i, oyananto ko nika apa ningra.

²³ Pina'on a misongila' a misimaw to masaflaway a siri ato pina'orip iso.

²⁴ Nawhani caay ko mamida'oc ko dafong, caay kataharayray ko tamohong.

²⁵ Ano ritriten ko ma'icangay a talod no dafdaf, masadak haca ko ko^ngelay a rngos a lomahad, mahaen a maritrit ko kalodateng no i lotolotokan.

²⁶ Ta ira ko sasaiten iso a fanoh no siri to sasanga'en iso to maloriko', o 'aca no nipacakayan iso a siri ko sapicakay iso to omah.

²⁷ Ma^deng a ma'orip kiso ato paro no loma' iso ato fafahiyan a koli iso to hacol no siri.