Taneng 24 - 阿美語聖經-新約附詩篇箴言

(19)

¹ Aka ka 'inal to tatiihay ko dmak a tamdaw, aka pikapot i cangraan.

² Nawhani, misarocod a misahalaka cangra to sapiri'ang a dmak, pasowal saho cangra i, midoka' to tamdaw.

(20)

³ O taneng ko sakatomireng no loma', pakayni i fana' ko saka tanektek nira,

⁴ pakayni haca i fana' ko saka taring no rawang to masamaamaanay a kalimlaan a dafong.

(21)

⁵ Ikaka no ci'icelay ko nika tadamaan no citanengay, ikaka no ki^melay ko nika tadamaan no mafana'ay.

⁶ I 'ayaw no nika lomowad iso a milood i, pisahalaka, pitngil to sowal no citanengay, ano 'aloman ko pitngilan iso i, pakalowid kiso.

(22)

⁷ O citanengay a sowal i, caay ko mamilayap ko maapaay a tamdaw, itira i pikaykian i, apa sa cangra to nika awa no sasowalen nangra.

(23)

⁸ O misahalakaay to tatiihay a dmak i, o cacilihaf to tadamari'angay wa han cingra.

⁹ O nisafacoan no maapaay a tamdaw i, o raraw, o misamsamay to tao i, o ka'intelan no tamdamdaw.

(24)

¹⁰ Ano makoki' kiso i kapadesan a romi'ad i, o tadancaayto a tamdaw kiso.

(25)

¹¹ Pa'adingen ko awaay ko raraw a nitarohan a patayra i pipatayan a tamdaw, aka ka tayo ko dmak iso.

¹² Latek o harateng iso i, caay ka cikihar kako tonini a dmak saan kiso, nikawrira, pakaynien no Kawas i niharatengan iso ko pisawkit i tisowanan. Mahapinang Ningra a mita'sel ko faloco' iso. Pakaynien Ningra i dmak iso ko pipatatodong a pakaolah ato pitfoc.

(26)

¹³ Wawaaw, kakomaen to waneng no 'odal, o nga'ayay korira. Kakomaen to nialaan nai loma' no 'odal a waneng, ko^san korira.

¹⁴ Kafana' kiso, ano maala iso ko taneng ato fana' to saki faloco' i, o tatadengal ko rakat no 'orip, caay kalasawad ko pafaloco'an iso.

(27)

¹⁵ Aka pisahalaka to sapi'afasaw to loma' no mo^celay a tamdaw, aka pipleng to loma' ningra, nawhani, o tatiihay a dmak korira.

¹⁶ Ano mapolipolin ko mo^celay a tamdaw i, o lalomowadho cingra a tomireng, nikawrira, o tatangsol a matkop no pades ko tatiihay a tamdaw.

(28)

¹⁷ Aka ka lipahak a mimelaw to nika polin no 'ada iso. Ano lipahak kiso to nika tfad noya tamdaw i,

¹⁸ mafana' ko Tapang, caay to ka olah Cingra to matiniay a faloco' iso, latek caayto pilahci Cingra a mitfoc to 'ada iso.

(29)

¹⁹ Aka ka rawraw ko faloco' iso a minengneng to tatiihay a tamdaw, aka ka 'inal i cangraan.

²⁰ Awaay ko nga'ayay a harakat no tatiihay a tamdaw, awaay ko pafaloco'an ningra.

(30)

²¹ Wawaaw, ta'ongen ko Tapang, kangodoen ko hongti. Aka pikapot to pacoliay a tamdaw,

²² o mamatkop to ccay a mlet ko matiraay a tamdaw. Caay ka fana' kiso to nika o mamitfoc, o mamipades ko Kawas ato hongti saw?

O Romaroma a Sowal no Taneng

²³ Ira i sasa ko roma a sowal no citanengay a tamdaw. Aka pisakakinih ko misawkitay a tamdaw.

²⁴ Ano ciraraway a tamdaw i, awaay ko raraw iso ano han ningra a misawkit i, o mama'kak a maka'intel no tahaf no kakarayan a tamdamdaw cingra.

²⁵ Nikawrira, o mitfocay to ciraraway a misawkitay i, o mamakahmek cingra a mapalmed.

²⁶ O so'linay ko pipaca'of i, o pahapinangay to nika o so'linay a widang cingra.

²⁷ I 'ayawenho a misongila' ko tayal, songila'enho a mipatala ko omah, ta patireng to loma' a misatapang a misaparod.

²⁸ Aka paci^ci a mipawacay a miri'ang to fiyaw iso, aka pisafana' to tamdaw.

²⁹ Aka pasowal toya, <> sanay.

³⁰ Nao mirakatayto kako to omah no matokaay a tamdaw ato safadisoso'an no maapaay a tamdaw,

³¹ 'arawhani ma^def no talod ato fadal ato smot ko omah nangra, o i taliyokay a 'atol a 'adipel i, maprarto a ma^min.

³² Yo minengneng kako tonini i, maharateng ako ko nga'ayay a sifana',

³³ O sowal iso i, <> saan.

³⁴ Nikawrira, yo marda' ko foti' iso i, matiya o mi'afasay ko pakosiya a miri'ang i tisowanan, matiya o mitatoyay to sapilood a kokong ko cango'ot a mitkop i tisowanan.