Taneng 23 - 阿美語聖經-新約附詩篇箴言

(6)

¹ Ano mikapot kiso to tapang a mitahka a komaen i, haratengen ano cima cingra.

² Ano halikaenay kiso i, 'meten ko tireng.

³ Aka ka 'anof a komaen to sapatahka ningra a nga'ayay a kakaenen, latek o sapitalakal ningra konini.

(7)

⁴ Aka pakaroray to faloco' a miharateng to sakacidafongaw, ka o citanengay kiso a ma'imer.

⁵ O mamalahdaw to ccay a mlet ko dafong, matiya o sapikpik no 'alilis a ma^fer.

(8)

⁶ Aka ka komaen to sapakaen no maloptay a tamdaw, aka ka 'anof to nga'ayay a kakaenen ningra.

⁷ Talacowa somowal cingra, <> saan cingra, nikawrira, caay ko so'linay a nai faloco'ay ningra a sowal korira.

⁸ O mangah ko dmak ningra, o mamaota' kiso to nikaenan iso. Oya nisowalan iso a nga'ayay a sowal i cingraan i, awaayto ko ^poc a ma^min.

(9)

⁹ Aka pasowal to so'linay i maapaay a tamdaw, nawhani, caay ka limla cingra to citanengay a sowal iso.

(10)

¹⁰ Aka pilinah to nano to'asho a kalangangan a 'otoc no sra. Ano ^ca aka pi'afas to omah no pakoyoc a wawa.

¹¹ O Tapang ko ci'icelay a pa'ading i cangraan, o papacolien Ningra kiso a pa'ading i cangraan.

(11)

¹² Pakifaloco'en ko nipasifana'an no singsi iso, tngilen a mihaklong ko citanengay a sowal ningra.

(12)

¹³ So'linen a pasifana' ko wawa, ano stisti'en i, caay ka patay.

¹⁴ O pipa'orip iso i cingraan korira.

(13)

¹⁵ Wawaaw, ano ira ko taneng iso i, tadalipahak kako.

¹⁶ Ano matngil ako ko so'linay citanengay a sowal iso i, lipahak kako.

(14)

¹⁷ Aka ka 'inal to ciraraway a tamdaw, kararid ko faloco' iso a mita'ong to Tapang.

¹⁸ Ano haenen iso i, tadengal a manga'ay ko harakat iso.

(15)

¹⁹ Wawaaw, pitngil to sowal ako, kafana' kiso, kasarocod a miharateng to dmak iso a ma'orip.

²⁰ Aka pinaol to hali^pahay ato macoosay.

²¹ O mamalapakoyoc ko hali^pahay ato macoosay a tamdaw. Ano sahto o foti' ko dmak no tamdaw i, o caciriko' cingra to makamiday a riko'.

(16)

²² Pitngil to sowal no mama iso, ano awaay cingra i, awa kiso, kangodoen ko mato'asay a ina iso.

²³ Kalimlaen ko so'linay a sowal ato sakacitaneng ato nitanengan ato sakafana' a miharateng, aka pifalah tonini.

²⁴ Lipahak ko mama no mo^celay a tamdaw, ano ciwawa kiso to citanengay i, o sakacihrang iso.

²⁵ Palipahaken ko mama ato ina iso, palipahaken cingra o mihofocay i tisowanan.

(17)

²⁶ Wawaaw, pisarocod ko faloco' iso, ka o dmak ako ko malopi'arawan iso.

²⁷ O tasalamaan ato ma'otitay a fafahiyan i, matiya o sakapatay a rfong.

²⁸ Matiya o kokong cangra a misa'imer to tamdaw, saka, malamisamangahay to 'alomanay a fa'inayan.

(18)

^29-30 Ano cima ko hali^pahay, haliacangay a tamdaw a mitanam to kasasiroma no ^pah i, ora a tamdaw ko cipadesay, mararomay, karatomayay, ngaliwngiway, kahngangay ko mata ato madoka'ay tona malasang.

³¹ Ano kahngahngang ko ^pah, ano sapanga'anga'ayan a nengnengen, ato 'nocen i, aka ka solot ko faloco', aka ka 'inal.

³² Nawhani i ikoray i, matiya o nikalatan no cisawarakay a 'oner kiso.

³³ O mamaorat ko pinengneng iso, wa awato ko pinang no harateng ato caciyaw iso.

³⁴ Matiya o midakaway to tamina i sifo' no riyar a masinawar kiso, matiya o mikafitay kiso i tloc no satoko no tamina.

³⁵ <> o sasaan kiso.