Taneng 20 - 阿美語聖經-新約附詩篇箴言

¹ O sakaapa, o sakala'odot ko nika komaen to ^pah, o sakatfad no tamdaw ko nika lasang ningra.

² O kter no hongti i, matiya o piltoh no layon, ano pakakteren iso cingra i, matiya o kinapatayay kiso to tireng.

³ Palowad to sakacacoli ko maapaay a tamdaw, nikawrira, o caay pipalowad to sakacacoli i, o sakatadamaan noya tamdaw.

⁴ O matokaay a tamdaw i, caay ka fana' to kaliomahan, saka, awaay ko kinaira ningra to pipanayan.

⁵ O harateng no tamdaw, matiya o talolongay a cinanomay a tfon, nikawrira, pakapipatalahkal to harateng noya tamdaw ko citanengay a tamdaw.

⁶ 'Aloman ko o so'linay a tamdaw kako sanay. Nikawrira, papina ko so'linay a tamdaw saw?

⁷ Mo^cel ko dmak no so'linay a tamdaw, malmed ko tlotloc ningra.

⁸ Maro' i pisawkitan ko hongti a mihapinang to polong no tatiihay a dmak.

⁹ Cima ko papaka^ses a somowal to nika o makoracayto ko faloco' ako, maharekayto kako a mikorac a mifalah to raraw ako a saan saw?

¹⁰ O masasiromaay a tosa ko siro a satingting ato masasiromaay a tosa ko sato a sapilatang i, o ka'osian no Tapang konini.

¹¹ Mahapinang i kalodmak no wawa ko nika o nga'ayay ano ^ca o tatiihay ko faloco' ningra.

¹² O sapakamelaw no mata ato sapakatngil no tangila i, sahto o no Tapang a nipakalmedan.

¹³ Aka ka karafoti', ano ^ca o mamalapakosiya kiso, o malalokay a tamdaw a matayal i, caay ko cacango'ot to kakaenen iso.

¹⁴ O mamicakay a tamdaw i, matkes a matkes saan a ngaliwngiw, ma'acato ningra i, ka^med a ka^med saan a mahmek.

¹⁵ Ikaka no tada^kim ato cingco ko nika tadamaan no citanengay a sowal.

¹⁶ O mihaydaay a mihosiw to kiyam no kafahalan a tamdaw i, tada o maapaay, o mamapatampo ko riko' ningra.

¹⁷ O nisafana'an a miala a kakaenen i, tadamicidek ko nika nga'ay nira a kaenen, nikawrira, ikorto i, malatafok a mitomes to ngoyos ningra.

¹⁸ O nisahalakaan a misafaco a dmak i, caay ka ^ca ka lahci, ano awaay ko mafana'ay a mikrid a milood i, aka pilood.

¹⁹ O mirarakatay a milikaf to tao i, o mamalsa' ko nisimedan ningra a dmak, aka pisawidang to karangoyosay a tamdaw.

²⁰ O mi'kakay a mapoi' a tamdaw to wama ato wina no tireng i, matiyato o mamapadeng a dawdaw a to'man ko 'orip ningra.

²¹ O rahodayay a mirocokan a dafong i, caay ko sakalmed a tahatolas.

²² Aka pito^to kiso a mico'ay to 'ada iso, ti'eren a mitala ko Tapang, caay ka ^ca ka patado Cingra i tisowanan a mico'ay.

²³ O masasiromaay a tosa ko siro a satingting ato mangah a satingting i, o ka'osian no Tapang konini a ma^min.

²⁴ O nisa'osian no Tapang ko rakat no 'orip ita o tamdaw, saka, cima ko mafana'ay ita to rakat no 'orip ita saw?

²⁵ Ano mikton to faloco' i ka'ayaw no Kawas i, saharateratengenho, ta caay ka sasiyor ko faloco'.

²⁶ O citanengay a hongti i, mikadkad a mifitay to tatiihay a tamdaw, ca^des ko pitfoc cangraan o tatiihay a tamdaw.

²⁷ Mapafli no Tapang kita to sakalatamdaw ato nga'ay a faloco', awaay ko cima ita to pakapisimeday to nidmakan no niyah.

²⁸ O so'lin ato mo^cel ko pikowan no hongti, o mamararid a tanektek ko sakowan ningra.

²⁹ O nika ci'icel no kapah ko sakatadamaan ningra, o nika 'ofad no mato'asay ko saka o kakangodoan cingra.

³⁰ Paliyas to tatiihay a dmak to nipisti', makorac ko laloma' no faloco' to nipipacpac.