Taneng 2 - 阿美語聖經-新約附詩篇箴言

O Hci no Taneng

¹ Wawaaw, pitngil to sowal ako, aka pitawal to limo'ot ako.

² Pitngil to sifana' no taneng, sarocoden ko faloco' to sakafana' to tatodong no sowal nira.

³ So'linay! Pingitangit to sakafana', pikilim to sakacitangal.

⁴ Samatiyaen o pikilim to ^kim ato pikilim to masimeday a dafong ko nika lalok iso a mikadkad to sakacitaneng.

⁵ Ta, mafana' kiso to nika o maan ko pita'ong to Tapang, samaanen ko sakafana' to Kawas.

⁶ Nawhani o nano nipaflian no Tapang a ma^min ko sakacitaneng ato sakafana' ato sakacitangal no tamdaw.

⁷ Padamaen Ningra ko mo^celay ko faloco' a tamdaw, dipoten Ningra ko so'linay ko faloco' a tamdaw.

⁸ Padamaen Ningra ko mo^celay a tamdaw, dipoten Ningra ko so'linay ko faloco' a mita'ong Cingraan.

⁹ Ano mitngil kiso to sowal ako i, mafana'to kiso to nika o maan ko so'linay ato malalenay ato mo^celay a dmak, mafana'to kiso to nika o maan ko nga'ayay a dadmaken.

¹⁰ Malacitanengayto a tamdaw kiso, mapalipahak no fana' kiso.

¹¹ Masimaw no taneng kiso, madipot no fana' kiso.

¹² Saka, caay ka moraraw ko dmak iso, madipot kiso a mapaliyas nai misawiay a mikayhid i tisowanan a tamdaw.

¹³ Liyasen koya misorikoray to mo^celay a lalan, oya i to'manay ko 'orip a tamdaw,

¹⁴ oya maolahay a midmak to tatiihay ato kalalipahak sanay to tatiihay a dmak,

¹⁵ oya mido^doay to ma'akongay a lalan, caay ko tati'eren a tamdaw.

¹⁶ O taneng i, ma^deng a paliyas tisowanan nai mikayhiday, misako^sanay ko sowal a fafahiyan.

¹⁷ Onini a fafahiyan i, o ma'otitay caay ka so'lin ko faloco' to saki fa'inay, matawalto ningra ko nikatatlekan ningra i ka'ayaw no Kawas.

¹⁸ Ano tayra kiso i loma' ningra i, o romakatay kiso i lalan no sakatayra i patay, nawhani o mikriday a tayra i kaitiraan no mapatayay ko lalan ningra.

¹⁹ O tayraayho a tamdaw i cingraan i, awaayto ko minokayay a patikol, awaayto ko minokayay a romakat i ka'oripan a lalan.

²⁰ Orasaka, ka o nga'ayay a tamdaw ko pi'arawan iso, ka o mo^celay ko 'orip iso.

²¹ O mo^celay o so'linay ko faloco' a tamdaw i, o mamapakamaro' tonini a sra.

²² Nikawrira, o tatkopen no Kawas ko tatiihay a tamdaw nai tini tonini a sra a matiya o pifangad to talod ko pipalasawad Ningra to ciraraway a tamdaw.