Taneng 15 - 阿美語聖經-新約附詩篇箴言

¹ O palasawaday to kter ko damsayay a pipaca'of, nikawrira, o mipalowaday to kter ko ca^desay a sowal.

² Misolot to faloco' ko sowal no citanengay a tamdaw to sakafana', nikawrira, awaay ko ^poc to sowal no maapaay a tamdaw.

³ Ma'araw no Tapang i cowacowa ko dmak, matapal Ningra ko nga'ayay ato tatiihay a dmak ita a ma^min.

⁴ O damsayay ko caciyaw a tamdaw i, matomes no kanga'ayan, nikawrira, o mitoleday to faloco' ko mali'akongay a sowal.

⁵ Mi^pec to pasifana' no mama ko maapaay a tamdaw, mica'dong to sowal no mama ko mafana'ay a tamdaw.

⁶ Caay ka lasawad ko dafong no mo^celay a tamdaw, nikawrira, ano ci^ta^tan ko tatiihay a tamdaw i, o pades ko pahrekan.

⁷ Deng o sowal no citanengay a tamdaw ko sakafana' no tamdamdaw, caay ko sowal no maapaay.

⁸ Maolah ko Tapang to pitolon no mo^celay a tamdaw, nikawrira, ma'osi Cingra to nipato'ayaan no tatiihay a tamdaw.

⁹ Ma'osi ko Tapang to dmak no tatiihay a tamdaw, nikawrira, maolah Cingra to mangalayay a mo^cel ko dmak a tamdaw.

¹⁰ O miliyasay to mo^celay a lalan i, o mamatfoc cingra, o mana'ayay to pisalof a pa'icel i, o mamapatay cingra.

¹¹ O kaitiraan no mapatayay ato katkopan i, o nikowanan no Tapang, maanen no tamdaw a misimed i ka'ayaw no Tapang ko niharatengan Ningra saw?

¹² O malata'angay a tamdaw i, caay pilayap to pisalof no tao a pa'icel, caay pasayra cingra i citanengay a tamdaw a milongoc to sifana'.

¹³ O lipahakay a tamdaw i, matawa ko pising ningra, o mararomay a tamdaw i, matoled ko pising ningra.

¹⁴ O citangalay a tamdaw i, milongoc to sakafana'aw ningra, o maapaay a tamdaw i, mero sa to fokil ningra.

¹⁵ O maksemay a tamdaw i, caay ka nga'ay ko 'orip ningra to romi'ami'ad, o lipahakay ko faloco' a tamdaw i, mararid a mahmek to romi'ami'ad.

¹⁶ O nika lapakosiya a mita'ong to Tapang ko nga'ay to nika cidafong a adihay ko rawraw no faloco'.

¹⁷ O nika komaen to kalodateng a masasiolaolah ko nga'ay to nika komaen a mitahka to ^pah ato titi a masasi'intel.

¹⁸ O karakteray a tamdaw i, mipalowad to sakacacolicoli, o pakahadidiay a tamdaw i, o misanga'ay to sakararihaday.

¹⁹ O lalan no matokaay a tamdaw i, matiya o maldefay no fadal, o lalan no mo^celay a tamdaw i, o marayasay.

²⁰ O citanengay a wawa i, o sakalipahak no wama ningra, o maapaay a wawa i, mi^pec to wina ningra.

²¹ O mafokilay a tamdaw i, malipahak to apa ningra, o citanengay a tamdaw i, mo^cel ko dmak ningra.

²² Ano milayap to ci^pocay a sowal i, caay ka ^ca ka lahci ko dmak, ano caay pisahalaka ko tamdaw to dmak i, caay ka lahci ko dmak.

²³ Ano matama ko sowal iso i, wata: ko nika lipahak, ano matatodong ko sowal iso i, tadamakapahay.

²⁴ O citanengay a tamdaw i, pakayra i sakaci'orip a lalan a romakat, miliyas cingra to katfadan a lalan i kaitiraan no mapatayay.

²⁵ O tatastasen no Tapang ko loma' no malata'angay a tamdaw, o dadipoten Ningra ko omah no maponengay.

²⁶ O ka'intelan no Tapang ko niharatengan no tatiihay a tamdaw, milayap Cingra to makoracay a sowal.

²⁷ O ma'anofay to caay ka mo^cel a dafong i, o sakalatiih no loma', o mina'ayay to sapa'alofo i, o kako'daw ko 'orip ningra.

²⁸ O mo^celay a tamdaw i, misaharateratengho ta paca'of, o tatiihay a tamdaw i, tangsol sa a paca'of to sakapades ningra.

²⁹ Mitngil ko Tapang to pitolon no mo^celay a tamdaw, caay pitngil Cingra to pitolon no tatiihay a tamdaw.

³⁰ O matawaay ko pising a tamdaw i, o lipahakay ko faloco' ningra, o nga'ayay a ratoh i, o mislakay to faloco' a patanektek to tireng.

³¹ O mina'onay a mitngil to pisalof a pa'icel no tao i, o citanengay a tamdaw.

³² O mina'ayay to pipasifana' i, o mi^pecay to tireng no niyah, o mitngilay to pisalof a pa'icel i, o milongocay to sakacitaneng.

³³ O mingodoay to Tapang i, o pinanam to taneng, ano sakatadamaanan ko tamdaw i, i 'ayawho a minanam a misapo^ner to faloco'.