Pa'arawan 21 - 阿美語聖經-新約附詩篇箴言

O Fa^lohay a Kakarayan ato Fa^lohay a Hkal

¹ Ma'araw ako ko fa^lohay a kakarayan ato fa^lohay a hkal. Malahdawto ko i 'ayaway a kakarayan ato hkal. Malahdawto ko riyar.

² Ma'araw ako ko Fangcalay a Niyaro', o fa^lohay a Yirusalim. Matiya o pipatala no cacifa'inay a kaying a ma^res to sapilitmohaw to fa'inay ningra ko nika sadak noya niyaro' nai Kawas a miliyas to kakarayan a ma^pod.

³ Itiya i, matngil ako ko tata'angay a ngiha' itira toya tadamaanay a 'anengang. Sowal sa, <

⁴ O sasisiten no Kawas a mi^min ko losa' no mata nangra. Caayto ko mamapatay, caayto ko mamararom, caayto ko tatomangic, caayto ko mamisemsem ko tamdaw a ma^min. Malasawadto ko i 'ayaway a dmak,>> saan.

⁵ Itiya i, sowal sa koya maro'ay i tadamaanay a 'anengang, <> saan. Pasowal haca Cingra, <> saan.

⁶ Pasowal haca Cingra i takowanan, <

⁷ O pakalowiday a tamdaw i, manga'ay a milayap tonini a tatodong, oya mamaloKawas ningra Kako. O mamalowawa Ako cingra.

⁸ Nikawrira, o makoki'ay, o misiikoray to Kawas a tamdaw, o kasimelangan ko dmak, o mipatayay to tamdaw, o ma'odangay, o cikawasay, o mita'ongay to samiyay ato misamangahay ko sowal a tamdaw a ma^min i, o a itira cangra i miwarakay ko 'acfel a masafanaway a namanamalan. Itira cangra a mapatay to sakinatosa a patay.>>

O Fa^lohay a Yirusalim

⁹ Ira a miraod i takowanan ko ccay noya papitoay a coyoh. O nano mitatoyay cingra to ccay no pitoay a wakong to matomesay no pitoay a saikoray a sari'ang. Pasowal sa cingra i takowanan, <> saan.

¹⁰ Makakoy no Fangcalay 'Adingo kako. Ta kriden no coyoh kako a patayra i tokos no takaraway a lotok. Pa'arawen ningra kako to nipiliyas no Yirusalim o Fangcalay a Niyaro' to Kawas i kakarayan a ma^pod.

¹¹ O 'dil no Kawas ko patdiay toya niyaro'. Matiya o nika mali^mi no matkesay a tadamaanay a fokloh, matiya o nika mali^mi no kangdaway a tingalaway a odo' ko nika tdi nira.

¹² Ira ko tata'angay, takaraway a 'adipel noya niyaro'. Tosa ko safaw no 'adawang nira. Malarocek a alaccay to misimaway a coyoh koya tosaay ko safaw a 'adawang. Malarocek a matilid koya 'adawang to ngangan no kahaccaccay no tosa ko safaw a ngangasawan no finawlan no Israil.

¹³ Tolo ko 'adawang i kawali. Tolo ko 'adawang i ka'amis. Tolo ko 'adawang i katimol. Tolo ko 'adawang i ka^tip.

¹⁴ Ira ko tosa ko safaw no ta'enengan a fokloh no 'adipel noya niyaro'. Malarocek a matilid koya ta'enengan a fokloh to ngangan no kahaccaccay no tosa ko safaw a tarokos no Tofor a Siri.

¹⁵ Mitatoy koya pasowalay i takowanan a coyoh to tada^kim a safakciw to sapifakciw to niyaro' ato 'adawang ato 'adipel.

¹⁶ Masalipa koya niyaro'. Malcad ko kakaya' ato kakahad nira. Fakciw han noya coyoh koya niyaro' i, tosa a patek ira ko spat a so'ot (2,400) no kongli. Malcad ko kakaya' ato kakahad ato takaraw nira.

¹⁷ Fakciw han noya coyoh ko takaraw noya 'adipel i, ^nem a polo' a kongce. O no tamdaw a saditek ko safakciw no coyoh tonini.

¹⁸ O nisanga'an to tingalaway a mali^miay a kangdaway a fokloh koya 'adipel. O nisanga'an to matiyaay o tingalaway a dadingo a ni'olacan a tada^kim koya niyaro'.

¹⁹ Mapa^res to masamaamaanay a tadamaanay a fokloh koya ta'enengan a fokloh no 'adipel no niyaro'. O saka ccay a ta'enengan a fokloh i, o tingalaway a mali^miay a kangdaway a odo'. O saka tosa i, masano cngelay no kakarayan a tingalaway a fokloh. O sakatolo i, o kangdaway a odo'. O sakaspat i, o mali^miay a kangdaway a fokloh.

²⁰ O saka lima i, o kahngangay a odo'. O saka^nem i, o tadamaanay a makorahay a fokloh. O saka pito i, o tadamaanay a kaliyalaway a fokloh. O saka falo i, o mali^miay a ariyahay a odo'. O saka siwa i, o mali^miay a kaliyalaway a odo'. O sakamo^tep i, o folalac. O saka ccay no safaw i, o kangdaway a odo'. O saka tosa no safaw i, o mali^miay a tingalaway a maloloay a folalac.

²¹ Oya tosa ko safaw a 'adawang i, o tosaay ko safaw a kimooday a cinco. O cinco ko kahaccaccay noya 'adawang. Matiya o tingalaway a dadingo a ni'olacan a tada^kim ko lalan noya niyaro'.

²² Awaay a ma'araw toya niyaro' ko Fangcalay Pita'ongan. Nawhani o todongto no Fangcalay Pita'ongan ko Ci'icelay a Tapang a Kawas ato Tofor a Siri.

²³ Malomaanho ko nipipatdi no cidal ato folad toya niyaro'. Nawhani o 'dil no Kawas ko patdiay toya niyaro'. O Tofor a Siri ko todong no dawdaw noya niyaro'.

²⁴ Mapatdi no likat noya niyaro' ko finawlan no kasakitakit. O mamahawikid no hongtingti no hkal ko nika tadamaan nangra a micomod itira.

²⁵ O mamasaromi'ad a mafawah ko 'adawang noya niyaro'. Caay ko mama'def. Nawhani awaay ko dadaya itira.

²⁶ O mamahawikid no finawlan no kasakitakit ko nika tadamaan ato nika cidafong nangra a micomod toya niyaro'.

²⁷ Nikawrira, caay ko mamicomod toya niyaro' ko kakaackan a maamaan ato kasimelangan ko dmak a tamdaw ato misamangahay a tamdaw. Deng o matiliday no Tofor a Siri ko ngangan i pitilidan to ngangan no ma'oripay ko mamicomod toya niyaro'.