Pa'arawan 20 - 阿美語聖經-新約附詩篇箴言

Ccay a Patek a Mihcaan

¹ Nanoya, ma'araw ako ko nika loklon no ccay a coyoh nai kakarayan, mitatoy cingra to safawah to awaay ko para' a ofang ato ccay a ta'angayay a lonayi'.

^2-3 Rpeten ningra koya kangic, o katlang a 'oner, o kakridan no Palafoay ci Satan a mipalit a mifahkol i awaay ko para' a ofang. Ta tahafen ningra koya ofang a mitopa. Ccay a patek a mihcaan ko nika palit noya kangic. Onini i, o saka^caaw pisawi nira to finawlan no kasakitakit tangasa i kalponan no ccay a patek a mihcaan. I ikor nonini i, o mamapacna' ciira a matdal.

⁴ Ma'araw haca ako ko pinapina a 'anengang no mikowanay ato maro'ay itira. Mapatorod i cangraan ko 'icel a misawkit. O romasato, ma'araw haca ako ko salo'afang no nipatayan a tamdaw to nano nipipatalahkal nangra to nipa'arawan ni Yis a so'lin ato sowal no Kawas. O caay pita'ong cangra toya 'a'adopen ato faco noya 'a'adopen. O caay ka citopa to ngangan noya 'a'adopen ko pising ano ^ca i, o kamay nangra. Miliyaw cangra a ma'orip a mikapot ci Kristoan to ccay a patek a mihcaan a mikowan.

⁵ O saka ccay a nika lomowad a ma'orip nai patay konini. (O romaroma a mapatayay a tamdaw i, caay ka lomowad a ma'orip nai patay tangasa i kalponan no ccay a patek a mihcaan.)

⁶ O mikapotay tonini a saka ccay a nika lomowad a ma'orip nai patay i, o malmeday, o makoracay a tamdaw. Caayto ko mamapatay cangra to sakinatosa a patay. O mamalacitodongay to ta'ong cangra a matayal to no Kawas ato ni Kristo. O mamikapot cangra ci Kristoan to ccay a patek a mihcaan a mikowan.

O Nipilowid to Satan

⁷ I ikor no ccay a patek a mihcaan i, o mamatdal ci Satan nai pirofoan.

⁸ O tatayra ciira i cowacowa no hkal a misawi to finawlan no kasakitakit, oya Kok ato Makok hananay. O mamisa'opo ci Satan cangraan a papilood. O mamatiya o nika adihay no tafok no riyar ko nika 'aloman nangra.

⁹ Ldef sa cangra to hkal. Likoten nangra ko masaniyaro'ay a kamaro'an no finawlan no Kawas ato kaolahan no Kawas a niyaro'. Nikawrira, matfaday nai kakarayan a namal ko milantoay i cangraan.

¹⁰ Ta mafahkol i miwarakay ko 'acfel a namanamalan koya misawiay i cangraan a Palafoay. O nano pifahkolan konini toya 'a'adopen ato mangah a pali'ayaway to sowal no Kawas. O mamida'oc caira a mapasemsem to romi'ami'ad to dadayadaya.

O Saikoray a Pisawkit

¹¹ Ma'araw ako ko tata'angay, kohcalay a tadamaanay a 'anengang ato maro'ay itira. Lahdaw sa i ka'ayaw Ningra ko hkal ato kakarayan. Awaayto a ma'ara'araw konini.

¹² Itiya i, ma'araw haca ako ko mapatayay a tamdamdaw, ano o tadamaanayto, ano o sasafaayto i, ira a ma^min a tomireng i ka'ayaw noya tadamaanay a 'anengang. Maclak ko pinapina a cudad itira. Ira ko roma a ccay a niclakan a cudad, o pitilidan to ngangan no ma'oripay, o matiliday toya pinapina a cudad a sowal ko pi'arawan a misawkit to mapatayay a tamdamdaw to nano dmak nangra.

¹³ Pasadaken no riyar ko i laloma'ay nira a mapatayay. Pasadaken no patay ato kaitiraan no mapatayay ko i laloma'ay naira a mapatayay a tamdaw. Ta pakayni i nano dmak no kahaccaccay nangra ko sakapisawkit i cangraan.

¹⁴ Ta halopatay ato kaitiraan no mapatayay a mafahkol i namanamalan. (Itira toya namanamalan a mapatay ko tamdaw to sakinatosa a patay.)

¹⁵ O caay ka tilid ko ngangan i pitilidan to ngangan no ma'oripay i, mafahkol a ma^min i namanamalan.