Pa'arawan 16 - 阿美語聖經-新約附詩篇箴言

O Maparoay i Wakong a Kter no Kawas

¹ Matngil ako ko tata'angay a ngiha' i Fangcalay Pita'ongan. Sowal sa toya papitoay a coyoh, <> han ningra.

² Saka, sadak sa ko saka ccay a coyoh a mitaktak i hkal to nitatoyan ningra a wakong. Ta 'antox ato cikaliwates koya citopaay to ngangan noya 'a'adopen atoya mita'ongay to faco noya 'a'adopen.

³ Do^do sa i, ira ko sakatatosa a coyoh a mitaktak i riyar to nitatoyan ningra a wakong. Ta matiya o rmes no mapatayay a tamdaw ko riyar. Saka, mapatay a ma^min ko ma'oripay i riyar.

⁴ Do^do sa i, ira ko sakatatolo a coyoh a mitaktak i 'alo'alo ato nemnem a ma^min to nitatoyan ningra a wakong. Ta malarmes konini a ma^min.

⁵ Matngil ako ko nipipasowal no citodongay to nanom a coyoh. Sowal sa, <

⁶ O mipatayay cangra to finawlan no Kawas ato pali'ayaway to sowal Iso. Saka, co'ayen Iso cangra a mipatay. Matatodongay ko nipihaen Iso a misawkit i cangraan,>> saan.

⁷ Matngil ako ko ngiha' i pipato'ayaan. Sowal sa, <> saan.

⁸ Do^do sa i, ira ko saka saspat a coyoh a mitaktak i cidal to nitatoyan ningra a wakong. Saka, mahayda ko nipitarang no cidal to tamdamdaw a mitodoh.

⁹ Mahaen ko nika todoh no tamdamdaw to nika tata'ang no fa^det. Lokes sato cangra to ngangan no citodongay tonini a sari'ang a Kawas. Caay pasasiyor cangra to faloco' a mipasayra i Kawas a mipahmek to nika tadamaan Ningra.

¹⁰ Do^do sa i, ira ko sakalalima a coyoh a mitaktak i kamaro'an noya 'a'adopen to nitatoyan ningra a wakong. Ta sato'man sa ko nikowanan noya 'a'adopen a kitakit. Kalat sa to sma no tireng ko tamdamdaw to nano pisemsem nangra.

¹¹ Tona misemsem a cikaliwates cangra saka, milokes cangra to Kawas i kakarayan. Caay pifalic cangra to faloco' a miliyas to tatiihay a dmak nangra.

¹² Do^do sa i, ira ko sakaa^nem a coyoh a mitaktak i Yufratis hananay a tata'angay a 'alo to nitatoyan ningra a wakong. Ta ma'icang koya 'alo. O mamalolalan no i waliay a hongti a tayni koya 'alo.

¹³ Ma'araw ako ko tatoloay a matiyaay o takora' a kaackan a 'adingo a masadak nai ngoyos noya kangic ato nai ngoyos noya 'a'adopen ato nai ngoyos noya mangah a pali'ayaway to sowal no Kawas.

¹⁴ O midmakay to kafahka'an a dmak a palafoay konini a tatiihay a kawakawas. Tayra caira i hongtingti nonini a hkal a misa'opo i cangraan a ma^min to sakalalooloodaw no tamdamdaw i tadamaanay a romi'ad no Ci'icelay a Kawas.

¹⁵ <> saan.

¹⁶ Sa'opoen noya palafoay ko hongtingti i Armakiton hananay no Hipray a pala.

¹⁷ Do^do sa i, ira ko sakapapito a coyoh a mitaktak i karayan to nitatoyan ningra a wakong. Ta ira ko tata'angay a ngiha' nai tadamaanay a 'anengang i Fangcalay Pita'ongan. Sowal sa, <> saan.

¹⁸ Itiya i, ira ko kalapiyat ato harengheng ato kakleng ato tata'angay a lonen. Naira ko tamdaw i tini i hkal i, awaayho ko hatiniay a tata'angay a lonen.

¹⁹ Makalitolo a mapla' koya tata'angay a niyaro' no Papilon. Mapleng ko niyaroaro' no kasakitakit. Maharateng no Kawas ko raraw no tata'angay a Papilon a niyaro'. Saka, patakiden Ningra ciira a papi^min to ci'icelay a ^pah, o todong no kter Ningra.

²⁰ Lahdaw sato ko kanatal a ma^min. Lahdaw sato ko lotolotok.

²¹ Matfad i tamdamdaw ko nai kakarayanay a tata'angay a kasa'ika'ikay no so^da. Ma^deng spat polo' a kongcin ko karteng no ccay a 'ikay noya so^da. Tona makari'ang no so^da ko tamdamdaw saka, milokes cangra to Kawas. Nawhani tadatata'ang ko nika kari'ang nangra.