Pa'arawan 15 - 阿美語聖經-新約附詩篇箴言

O Coyoh ato Saikoray a Sari'ang

¹ Ira a ma'araw ako i kakarayan ko tadamaanay a kafahka'an a dmak. Ira ko papitoay a coyoh. Mitatoy cangra to pitoay a sari'ang. Onini i, o saikoray a sari'ang. Nawhani i tini a mapahrek ko tata'angay a kter no Kawas.

² Ma'araw ako ko matiyaay o marayasay a riyar a cicamolay to namal a dadingo. Ma'araw ako ko pakalowiday a tamdamdaw toya 'a'adopen ato faco noya 'a'adopen ato sa'osi noya ngangan. Mitatoy cangra to nipaflian no Kawas i cangraan a datok a tomireng i tatihi noya matiyaay o tingalaway a riyar a dadingo.

³ Romadiw cangra to radiw ni Mosi o matayalay no Kawas ato radiw no Tofor a Siri. Pa'olic sa, <

⁴ Tapangaw, cima ko caay pita'ong Tisowanan? Cima ko caay ka hmek to nika tadamaan no ngangan Iso? Dengan Kiso a ccay ko Fangcalay. O tatayni ko polong no kasafinawlan i ka'ayaw Iso a mita'ong. Nawhani mahapinangto nangra ko nika mo^cel no dmak Iso,>> saan.

⁵ Nanoya, ma'araw ako ko nika fawah no Fangcalay Pita'ongan i kakarayan. Ira i laloma' ko kasaso'arawan ato Kawas a Talo'an.

⁶ Masadak nai Fangcalay Pita'ongan ko mitatoyay to pitoay a pades a papitoay a coyoh. Ciriko' cangra to mali^miay, fangcalay a mowa a riko'. Cisafaked to tada^kim ko falohang nangra.

⁷ Paflien no ccay noya saspatay a ma'oripay koya papitoay a coyoh to pitoay a tada^kim a wakong. Matomes no kter no mida'ocay a ma'orip a Kawas koya wakong.

⁸ Matomes no 'acfel to nano 'dil ato nano 'icel no Kawas ko Fangcalay Pita'ongan. Tangasa i pahrekan no nipikari'ang no kahaccaccay noya papitoay a coyoh i, awaay ko pakacomoday toya Fangcalay Pita'ongan.