Pa'arawan 12 - 阿美語聖經-新約附詩篇箴言

O Fafahiyan ato Kangic

¹ Ira a ma'araw i kakarayan ko tadamaanay a kafahka'an a dmak. Ciriko' to cidal ko ccay a fafahiyan. Ripa'en ningra ko folad. Citamohong cingra to tosa ko safaw a fo'is.

² O cipoyapoyay konini a fafahiyan. Ma'at'at cingra to sakahofocaw saka, lkal sa cingra.

³ Ira haca a ma'araw ko roma a kafahka'an a dmak i kakarayan. Ira ko tata'angay a kahngangay a kangic. Pito ko fongoh, mo^tep ko pohong nira. Malarocek koya pitoay a fongoh nira a citamohong to no hongti.

⁴ Asik han no wikol nira ko ccay no kalitolo (1/3) no fo'is i kakarayan a mifahkol i hkal. Tomireng koya kangic i ka'ayaw noya mamahofoc a fafahiyan. Mitala ciira itira to sakakomaenaw nira to nihofocan noya fafahiyan a wawa.

⁵ Mahofoc koya fafahiyan to ccay a fa'inayan a wawa. O mamitatoy koya wawa to marad a cokor a mikowan to finawlan no kasakitakit. Nikawrira, makakoy koya wawa a mapacakat i Kawas i tadamaanay a kamaro'an Ningra.

⁶ Milaliw koya fafahiyan a tayra i nipatalaan no Kawas a malokamaro'an ningra i kohkohan. O mamadipot cingra itira to ccay a patek ira ko tosa a so'ot ira ko ^nem a polo' (1,260) a romi'ad.

⁷ Itiyasato lomowad ko kalalood i kakarayan. Looden ni Mikail ato coyoh ningra koya kangic. Co'ayen noya kangic ato coyoh nira ca Mikail.

⁸ Nikawrira, malowid koya kangic. Saka, awaayto ko malokamaro'an nira ato coyoh nira i kakarayan.

⁹ Mafahkol i hkal koya tata'angay a kangic. O katlang a 'oner, o kakridan no Palafoay hananay, ano ^ca i, ci Satan han ciira. O misawiay ciira a pamoraraw to polong no tamdaw i hkal. Halocoyoh nira a mafahkol i hkal.

¹⁰ Itiya i, matngil ako ko tata'angay a ngiha' i kakarayan. Sowal sa, <

¹¹ Malowid no salikaka ita koya kangic pakayni i rmes no Tofor a Siri ato nano nipipatnak nangra to so'lin. Maolah cangra a kinafalah to 'orip nangra a mapatay.

¹² Orasaka, kalipahak kamo o kakarayan ato maro'ay itira! Nikawrira, o cacilafo kamo o hkal ato riyar! Nawhani matfad a tayra i tamowanan ko Palafoay. Mafana' ciira to nika caayto ka hakowa ko romi'ad nira. Saka, tata'ang ko kter nira,>> saan.

¹³ Mafana' koya kangic to nika fahkol nira i hkal. Saka, lpelen nira koya mahofocay to fa'inayan a wawa a fafahiyan.

¹⁴ Nikawrira, mapafli koya fafahiyan to tosa a sapikpik no tata'angay a lidep to malosaka^fer ningra a tayra i kamaro'an ningra i kohkohan. O a itira cingra a milimek toya 'oner a madipot to tolo a mihcaan ira ko pangkiw no mihcaan.

¹⁵ Coplisen noya 'oner i aikor noya fafahiyan ko hato cdasay a nanom to sapi'alolaw toya fafahiyan.

¹⁶ Nikawrira, padamaen no sra koya fafahiyan. Towa'en no sra ko ngoyos nira a mi'ok'ok toya nicoplisan noya kangic a nanom.

¹⁷ Itiya i, kter sato koya kangic toya fafahiyan, lowad sato ciira to sapiloodaw to romaroma a tloc noya fafahiyan, oya mihaklongay to limo'ot no Kawas ato ma'imeray to pa'arawan ni Yis a so'lin a tamdaw.

¹⁸ Tireng sa koya kangic i lawac no riyar.