Pa'arawan 1 - 阿美語聖經-新約附詩篇箴言

¹ O nitilidan to pakayniay i nipa'arawan ni Yis Kristo a dmak konini. O nano nipahapinangan no Kawas i Cingraan konini to sapatiri' Ningra i 'alomanay a matayalay Ningra to mangataayto a ira a dmak. Saka, ocoren ni Kristo ko coyoh a papipakafana' i matayalay Ningra ci Yohanian tonini a dmak.

² Saka, pasowal ci Yohani to polong no ma'araway ningra i 'alomanay, mipawacay cingra to ratoh no Kawas ato so'lin no nipa'arawan ni Yis Kristo.

³ O miasipay tonini a cudad, o tadamalmeday. O mitngilay a ma'imer a mido^do tonini nipali'ayawan a sowal i, o tadamalmeday. Nawhani mangatato ko kalahcian nonini a dmak.

O Salicay to Pitoay a Kiwkay

^4-5 Kako ci Yohani ko patiliday i tamowanan o i Aciyaay a papitoay a kiwkay. Nanay o iraay naniti:ya aca, o iraay anini, o aira i ikor a mida'ocay a Kawas, ato iraay i ka'ayaw no kamaro'an no Kawas a papitoay a 'Adingo, ato o so'linay a tati'eren a pawacayay, o sa'ayaway a lomowad a ma'orip nai patay, o mikowanay to hongtingti no hkal ci Yis Kristo, mapaini Ningra kamo to mikomi ato rihaday! O maolahay Cingra i titaanan, mapatay Cingra a marakis ko rmes to saki titaanan to sapitdal titaanan nai sapalit no raraw,

⁶ malacitodongay to ta'ong a kitakit kita, a matayalay to saki Wama a Kawas Ningra. Nanay o ci'dilay ato ci'icelay ci Yis Kristo a tahada'oc! Amin.

⁷ Nengnengen, pakato'em Cingra a tayni. O mama'araw no tamdamdaw Cingra. Halomicocokay a tamdaw a paka'araw Cingraan. O tatomangic ko kasafinawlan no hkal to pakayniay Cingraan. Nanay mado^do konini a sowal! Amin.

⁸ Pasowal ko iraay naniti:ya aca, o iraay anini, o aira i ikor a mida'ocay a Ci'icelay a Tapang a Kawas, <> saan.

O Nipipa'araw ni Kristo ci Yohanian

⁹ O salikaka namo kako ci Yohani, malakapot namo a mihadidi to pades, mikihamon haca to pikowan Ningra. O sapipatnakaw to sowal no Kawas ato so'lin no nipa'arawan ni Yis. Saka, o namarofoayto kako i Patmos hananay a kanatal.

¹⁰ Yo ccay a pita'ongan to Tapang a romi'ad i, mapackil no Fangcalay 'Adingo kako. Matngil ako i aikor ako ko matiyaay o soni no la^pa a tata'angay a ngiha'.

¹¹ Sowal sa, <> saan.

¹² Sikol sa kako a minengneng toya pasowalay takowanan. Ira a ma'araw ako ko pitoay a tada^kim a padawdawan.

¹³ Ira i la'ed noya padawdawan ko matiyaay o Wawa no Tamdaw. Ciriko' Cingra to tangasaay i saripa' ko kakaya' a kafafang. Cifaked to tada^kim ko falohang Ningra.

¹⁴ Matiya o kohcal no fanoh no siri, matiya o kohcal no so^da ko nika kohcal no fokes Ningra. Matiya o marengrengay a namal ko mata Ningra.

¹⁵ Matiya o nitodohan a mi'olac a fodawan ko nika tdi no wa'ay Ningra a ma'dil. Matiya o soni no cdas ko ngiha' Ningra.

¹⁶ Mitatoy ko kawanan a kamay Ningra to pitoay a fo'is. Masadak i ngoyos Ningra ko matalemay a matatapalay ko sinang a fonos. Matiya o nika tata'ang no cidal to kalahokan ko nika tdi no pising Ningra.

¹⁷ Yo minengneng kako i Cingraan i, polin sa kako i pasaripa'an Ningra a matiya o mapatayay. Nikawrira, kapa sa i takowanan Cingra to kawanan a kamay Ningra. Sowal sa, <

¹⁸ O ma'oripay Kako. Nao mapatayay Kako. Nikawrira, nengnengen, ma'oripay Kako a tahada'oc. O citodongay Kako to safawah a mikowan to patay ato kaitiraan no mapatayay.

¹⁹ Orasaka, tiliden ko ma'araway iso i matini ato aira i ikor a ma'araway iso a dmak.

²⁰ O tatodong no ma'araway iso a nitatoyan no kawanan a kamay Ako a pitoay a fo'is atoya pitoay a tada^kim a padawdawan i, o coyoh no pitoay a kiwkay koya pitoay a fo'is. O pitoay a kiwkay koya pitoay a padawdawan. O pakakmoday a dmak konini.>>