'Olic 99 - 阿美語聖經-新約附詩篇箴言

O Satadamaanay a Hongti a Kawas

¹ O mikowanay ko Tapang, mamirmir ko kasafinawlan, maro' Cingra i kirupim i tadamaanay a kamaro'an, mangernger ko sra.

² Tada o kasnengan ko Tapang i Cion, o sakakaay Cingra i tahaf no kakarayan a kasakitakit.

³ Mipahmek ko kasafinawlan to nika tadamaan no ngangan Iso, nawhani o fangcalay o kasnengan Cingra.

⁴ O tadaci'icelay a hongti, maolah Kiso to mo^celay, mipatireng Kiso to malalenay a dmak i Israil, mipa'ayaw Kiso to mo^celay ato micoker to marayasay a dmak.

⁵ Pahmeken ko Tapang a Kawas ita! Pipitosor a mita'ong i ka'ayaw no tadamaanay a kamaro'an Ningra! Nawhani o fangcalay o kasnengan Cingra!

⁶ O citodongay to ta'ong Ningra ci Mosi aci Aron, o milongocay Cingraan ci Samuil, milongoc cangra to Tapang i, paca'ofen Ningra cangra.

⁷ Nai miciro'ay a to'em Cingra a pasowal i cangraan, mihaklong cangra to nipaflian Ningra a rikec ato limo'ot.

⁸ Tapang a Kawas niyam, o paca'ofay Kiso to finawlan Iso, talacowa o mihpolay a Kawas Kiso, nikawrira, do^doen Iso ko nidmakan nangra a mitfoc.

⁹ Pipahmek to Tapang a Kawas ita! kaitira i fangcalay a lotok Ningra a mita'ong i Cingraan, nawhani o fangcalay o kasnengan ko Tapang a Kawas ita.