'Olic 97 - 阿美語聖經-新約附詩篇箴言

O Tadamaanay a Mikowanay a Kawas

¹ O mikowanay ko Tapang! Kalipahak kamo o i hkalay! Kalipahak kamo o polong no kasakanatal!

² Ira i taliyok no Tapang ko to'em ato to'man, o paranaan no tadamaanay a kamaro'an Ningra ko mo^celay ato marayasay a dmak.

³ Ira i ka'ayaw Ningra a romakat ko namal a mitodoh to i taliyokay Ningra a 'ada.

⁴ Mipatdi to hkal ko kalapiyat Ningra, minengneng ko i hkalay tonini i, mamirmir a matalaw.

⁵ Samatiya sato o losok a malaso'or ko lotolotok i ka'ayaw no mikowanay to polong no hkal a Tapang.

⁶ Mipalosiyang ko polong no i kakarayanay to nika mo^cel Ningra, ma'araw no kasafinacadan ko nika tadamaan Ningra.

⁷ O mita'ongay to samiyay i, mapakangodo a ma^min, o pasnengay to tatiihay a kawas i, mapakangodo a ma^min, o mamihinefa a ma^min ko kalokawakawas i ka'ayaw no Tapang.

⁸ Tapangaw, tona o mo^celay ko pisawkit Iso saka, o mamahmek ko finawlan no Cion, o lalipahak ko niyaroaro' no Yuta.

⁹ Tapangaw, o mikowanay Kiso to tahaf no kakarayan, o ikakaay no kalokawakawas Kiso.

¹⁰ Maolah ko Tapang to ma'osiay to tatiihay a tamdaw, dipoten Ningra ko 'orip no so'linay ko faloco' a finawlan Ningra, pa'oripen Ningra cangra a paliyas nai tatiihay a tamdaw.

¹¹ Pa'dilen Ningra ko mo^celay a tamdaw, tomesen Ningra to lipahak ko faloco' no mo^celay a tamdaw.

¹² Kamo o mo^celay a tamdaw, kalipahak kamo to nano nidmakan no Tapang. Pipahmek kamo to Fangcalay a ngangan Ningra.