'Olic 96 - 阿美語聖經-新約附詩篇箴言

O Tadamaanay a Hongti ko Kawas

¹ Pipasayra i Tapang a romadiw to fa^lohay a radiw! Karomadiw a pahmek to Tapang ko polong no tahaf no hkal!

² Pipasayra i Tapang a romadiw, pahmeken Cingra. Palosiyangen to romi'ami'ad to pakayniay i pipa'orip Ningra a nga'ayay a ratoh.

³ Palosiyangen i kasakitakit ko nika tadamaan Ningra, pasowalen i kasafinawlan ko nika tadamaan no dmak Ningra.

⁴ O tadamaanay ko Tapang, saka, o tatadamaanen ko pipahmek i Cingraan, o a ikaka no kalokawakawas ko nika o kakangodoan Cingra.

⁵ Sahto o samiyay ko kawas no roma a kasakitakit, nikawrira, o nisanga'an no Tapang ko kakarakarayan a ma^min.

⁶ Ira i ka'ayaw Ningra ko sakatadamaan ato sakasneng, matomes no 'icel ato makapahay ko Fangcalay a Kaitiraan Ningra.

⁷ Kamo o kasafinawlan no hkal, o papahmeken ko Tapang, pahmeken ko nika tadamaan ato nika ci'icel Ningra.

⁸ Pahmeken ko nika tadamaan no ngangan no Tapang, pihawikid to sapatafang a micomod to loma' Ningra.

⁹ Pica'dong to fangcalay a saka^res a riko' a mihinokop a mita'ong to Tapang, Kamo o polong no hkal, kangodo a mamirmir i ka'ayaw Ningra.

¹⁰ Pasowalen ko kasakitakit, <> han.

¹¹ Kamo o sra ato kakarayan, kahmek, kamo o riyar ato i laloma'ay nira a ma'oripay a ma^min, pilkal a mitahidang.

¹² Kamo o omah ato i laloma'ay nira a pinaloma, pilkal a lipahak, itiya i, o mamilkal ko i laloma'ay no kilakilang a kilang a mahmek.

¹³ Nawhani o tatayni ko Tapang a mikowan to tahaf no kakarayan, o mo^cel ko sapikowan Ningra to hkal, o so'lin ko sapidipot Ningra to kasafinawlan.