'Olic 94 - 阿美語聖經-新約附詩篇箴言

O Misawkitay to Tamdamdaw ko Kawas

¹ Tapangaw, o citodongay Kiso a mico'ay a Kawas, nanay patalahkalen Iso ko mo^celay a kter Iso.

² O misawkitay Kiso to polong no tamdamdaw, nanay lomowadto Kiso a mico'ay to malata'angay a tamdaw.

³ Tapangaw, hakowaho ko romi'ad no tatiihay a tamdaw saw? Tahacowa ko nika rihaked nangra saw?

⁴ Tahacowa ko nika lata'ang no tatiihay a tamdaw saw? Tahacowa ko pipasneng nangra to raraw nangra saw?

⁵ Tapangaw, pa^kelen nangra ko finawlan Iso, kari'angen nangra ko no Miso a tamdaw.

⁶ Patayen nangra ko maponengay ato pakoyoc a tamdaw, patayen nangra ko pacarcaray a maro' a lafang.

⁷ Sowal sa cangra, <> saan.

⁸ Kamo o finawlan, nawiro sahatini sato ko nika fola namo saw? Kamo o maapaay a tamdaw, tahacowa ta mafana' kamo saw?

⁹ O nisanga'an no Kawas ko tangila ita i, caay pakatngil Cingra haw? O nisanga'an no Kawas ko mata ita i, caay paka'araw Cingra haw?

¹⁰ Cingra ko mikowanay to polong no kasakitakit i, mafokil Cingra a mitfoc to tamdaw haw? Cingra ko pasifana'ay to tamdamdaw i, awaay ko fana' Ningra haw?

¹¹ Mafana' ko Tapang to faloco' no tamdaw, mafana' Cingra to nika awa ko ^poc no niharatengan nangra.

¹² Tapangaw, tada o malmeday ko nisalofan Iso a tamdaw ato nipasifana'an Iso to rikec a tamdaw.

¹³ Parihadayen Iso cingra i kapadesan ningra tangasa i katfadan no tatiihay a tamdaw i talolongay a rfong a matkop.

¹⁴ Caay ko mamifalah ko Tapang to finawlan Ningra, caay ko mamiliyas Cingra to tamdaw Ningra.

¹⁵ O mamiliyaw a talahkal ko mo^celay i pisawkitan, o mamidama ko polong no mo^celay a tamdaw to mo^celay.

¹⁶ Cima ko papatado i takowanan a mico'ay to tatiihay a tamdaw? Cima ko mamikapot i takowanan a pacoli to ciraraway a tamdaw?

¹⁷ Ano awaay ko Tapang a mipadama i takowanan i, kona i ti:ya aca kako a mapatay.

¹⁸ Sowal han ako, <> han ako. Nikawrira, Tapangaw, madama no sini'ada Iso kako.

¹⁹ Yo adihay ko rawraw ato rarom no faloco' ako i, mihinom Kiso i takowanan, saka, malipahak kako.

²⁰ Caay pinaol Kiso to misakakinihay a mikowanay, nawhani o rikec ko sapa'ading nangra to caay ka mo^cel a dmak.

²¹ Masakapot cangra to sapikari'angaw to nga'ayay a tamdaw, pasteken nangra i patay ko awaay ko raraw a tamdaw.

²² Nikawrira, o pisitaraan ako ko Tapang, o pilimkan ako ko 'ongcoy o Kawas ako.

²³ Tfocen Ningra ko tatiih nangra, o nano raraw nangra ko sakatkop nangra, o Tapang a Kawas ita ko mitkopay i cangraan.